( ఎలక్ట్రికల్ అండ్ ఎలక్ట్రానిక్స్ ఇంజినీరు )
గాజంగి సాగర్
అందరికీ ఇలాంటి సందేహం రావడం సహజం. ఎందుకంటే మనం జీ-పే లేదా ఫోన్- పే ద్వారా డబ్బులు పంపిస్తే, దానివల్ల ఆ కంపెనీలకు వచ్చే లాభమేమిటి? మనం డబ్బులు మరొకరికి పంపిస్తే, ఆ రెండు కంపెనీలకు ఆదాయం ఎలా వస్తుందన్న సందేహం అందరికీ ఉంటుంది. అయితే గుగూల్ పే , ఫోన్ పే లాంటి సంస్థలు తమ ఆదాయాన్ని చాలా రకాలుగా పొందుతాయి . అందులో కొన్ని తెలుసుకుందాం .
ప్రెమెంట్స్ కమీషన్ : ఫోన్ పే , గూగుల్ పే సంస్థలు వారి ఆప్ లో చాలా రకాల ప్రైవేట్ రంగాల సంస్థలకు పేమెంట్స్ సదుపాయాలను ఇస్తారు . ఈ పేమెంట్స్ ద్వారా కమీషన్ పొందుతారు.
ఉదాహరణలు : రీఛార్జులు , హోటల్ బుకింగ్స్ లు, కరెంటు బిల్లులు , క్రెడిట్ కార్డుల బిల్లులు , రెస్టారెంట్ ల పేమెంట్స్ , టాక్సీ పేమెంట్స్ , గిఫ్ట్ కార్డులు .
యాడ్స్ : చిన్న చిన్న సంస్థలు తమ ప్రచారం కోసం లేదా వారి సంస్థ పెరుగుదల కోసం వీరితో కలిసి పనిచేస్తారు . ఇతర సంస్థ రకాలని బట్టి వీరి ఆప్స్ లో యాడ్స్ ఉంచి ఆ సంస్థలకు ప్రచారం తో పాటు కూపన్ కోడ్లు , ఇతర సౌకర్యాలు ఇచ్చి వాటిలో కొంత భాగాన్ని ఫోన్ పే , గూగుల్ పే సంస్థలు తీసుకుంటారు .
ఉదాహరణలు : రెడ్ బస్ , ఈట్ ఫిట్ .. ఎన్నో సంస్థలు ఈ విభాగంలో ఉన్నాయి . తెలుసుకోవాలంటే మీ ఫోన్ పే లో స్విచ్ ని తాకి మీరు చూడొచ్చు . అలాగే గుగూల్ పే లో కూడా ఉన్నాయి .
లోన్స్ , ఇన్సూరెన్స్ సర్వీసుల : లోన్స్ , ఇన్సూరెన్స్ సర్వీసుల భాగ్యస్వామ్యం తో , లేదా వారి సర్వీసుల ప్రమోషన్ చేసి డబ్బులు ఆర్జిస్తాయి.
సంస్థ నికర , స్థూల ఆదాయం : రోజులు గడుస్తున్నా కొద్దీ , వినియోగదారుల సంఖ్య పెరుతున్న కొద్దీ వారి సంస్థ విలువ పెరుగుతూనే ఉంటుంది . ఇప్పటికే ఫోన్ అప్ విలువ వేల కోట్ల దాటింది. గూగుల్ పే విలువ కూడా కొన్ని వేల కోట్లు దాటింది .[
About the Author
