▪️ బాసర విద్యార్థులకు అండగా మొత్తం విద్యార్థులు కదలాలి
▪️ విద్యార్థి లోకానికి కాంగ్రెస్ అండగా ఉంటుంది
– బాసరలో ఐదో రోజుకు చేరిన విద్యార్థి నిరసనలు
– ప్రచార కమిటీ ఛైర్మన్ మధు యాష్కీ గౌడ్
కనీస మౌలిక వసతుల కోసం ఉద్యమిస్తున్న బాసర ట్రిపుల్ ఐటీ విద్యార్థులకు అండగా మొత్తం విద్యార్థి లోకం ముందుకు కదలాలి. విశ్వవిద్యాలయాలు, కాలేజీలు సమిష్టిగా ముందుకు కదిలితేనే సమస్యలు పరిష్కారం అవుతాయి. బాసరలో ఉన్న సమస్యలు అన్ని విశ్వవిద్యాలయాలు, ప్రభుత్వ సాంకేతిక కళాశాల్లో నెలకొని ఉన్నాయి.
తెలంగాణ ఉద్యమంలో పాల్గొన్నట్లుగా విద్యార్థి నాయకులు, విద్యార్థి సంఘాలు పాల్గొనాలి. తెలంగాణ ఉద్యమ సమయంలో ఏర్పాటు చేసుకున్నట్లు ఇప్పుడు కూడా విద్యార్థి జేఏసీలు ఏర్పాటు చేసుకుని సమస్యల పరిష్కారానికి ఉద్యమించాలి. విద్యార్థులకు అండగా యావత్ కాంగ్రెస్ పార్టీ ఉంటుంది. మీ సమస్యల పరిష్కారానికి నాతో సహా అందరం కలిసి మీతో నడుస్తాం. తెలంగాణ ఉద్య‌మంతో ఎలా మ‌మేక‌మ‌య్యామో ఇప్పుడు కూడా విద్యార్థి పోరాటాల‌కు అలాగే కాంగ్రెస్ పార్టీ సహా నేను కూడా అలాగే మీతో కలిసి వ‌స్తాము..
