సత్పురుషులు తమ మనసులో కూడా ఇతరుల గురించి ఎప్పుడూ చెడుగా ఆలోచించరు . వారు ఎప్పుడైనా ఇతరులకు ఉపకారం చేయాలని మాత్రమే ఆలోచిస్తారు . అలాంటి వ్యక్తులు ప్రతి వ్యక్తిలోనూ మంచిని మాత్రమే చూస్తారు , వారు చెడు లక్షణాలను ఎప్పుడూ చూడరు . ప్రతి వ్యక్తిలోనూ మంచి మరియు చెడు రెండు లక్షణాలు ఉంటాయి . అందరూ మంచివారు కాదు , అందరూ చెడ్డవారు కాదు . ప్రతి వ్యక్తిలోని మంచి లక్షణాలను మాత్రమే మనం చూడాలి . చెడు లక్షణాలపై మనం ఎప్పుడూ శ్రద్ధ చూపకూడదు , అలా చేయడం వల్ల ప్రయోజనం ఉండదు . గొప్ప వ్యక్తులు అలా వుంటారు . ఈ విషయంలో శివుడిని ఒక ఉదాహరణగా ఉదహరించారు పెద్దలు . క్షీర సాగర మథనంలో చంద్రుడు మరియు హాలాహాలా విషం ఉద్భవించినాయి . శివుడు ప్రతి ఒక్కరికీ కనిపించే విధముగా చంద్రుడిని తన తలపై ఉంచాడు . విషాన్ని మాత్రం తన గొంతులో దాచిపెట్టాడు . దీని వెనుక అర్థం ఏమిటి ? చెడు బయటకు రాకుండా మనం నిరోధించాలి , మంచిని మాత్రమే ప్రదర్శించాలి.
పండితుఁడు గుణ , దోషాలను రెండిటినీ గ్రహించి , గుణాన్ని నెత్తినపెట్టుకుంటాడు . దోషాన్ని నియంత్రిస్తాడు . శివుడు చంద్రుణ్ణి శిరస్సు మీద ఉంచుకున్నాడు . విషాన్ని గొంతులోనే నిలిపిఉంచాడు .
మనం మంచి లక్షణాలను మాత్రమే చూడాలి , చెడు కాదు . కానీ ఇతరులలోని చెడు లక్షణాలను మాత్రమే చూడటం మనిషిలో ఒక అవ లక్షణం . కానీ గొప్పవారు అలాంటివారు కాదు , వారు మంచిని మాత్రమే చూస్తారు . అందువల్ల , మనము గొప్పవారితో కలిసి ఉంటే , మనము కూడా వారి లక్షణాలను పొందుతాము . సత్పురుషుల సహవాసంతో సత్పురుషుల లక్షణాలు అలవాడతాయి . అందువల్ల శ్రీ శంకరాచార్యులు వారు ఎప్పుడూ మంచి వ్యక్తుల సహవాసంలో ఉండాలని మరియు చెడుతో సహవాసం చేయకుండా ఉండాలని సలహా ఇచ్చారు .
