– ఆకస్మికంగా కొడుకును కోల్పోయిన ఓఎస్డీ నాగిరెడ్డి(ఏపీఐఐసీ ఎండీ)కి ఏపీఐఐసీ ఛైర్మన్ మెట్టు గోవింద రెడ్డి ఓదార్పు
అమరావతి: పుత్ర శోకంలో ఉన్న సహోద్యోగిని పరామర్శించేందుకు ఏపీఐఐసీ ఉద్యోగులంతా తరలి వెళ్లారు. ఆకస్మికంగా కొడుకును కోల్పోయిన ఓఎస్డీ నాగిరెడ్డి(ఏపీఐఐసీ ఎండీ)ని ఏపీఐఐసీ ఛైర్మన్ మెట్టు గోవింద రెడ్డి ఓదార్చారు. ఆకస్మికంగా చెట్టంత కొడుకును దూరమైన పరిస్థితుల్లో ఉన్న ఓఎస్డీ నాగిరెడ్డిని పరిశ్రమల శాఖ, ఏపీఐఐసీ ఉన్నతాధికారులంతా పరామర్శించారు.
గుండె నిబ్బరంతో ఉండాలని ఓదార్చారు. ఏపీఐఐసీ వీసీ&ఎండీ సుబ్రమణ్యం జవ్వాది… ఓఎస్డీ నాగిరెడ్డి కుటుంబానికి ఫోన్ లో మాట్లాడి ధైర్యం చెప్పారు. పుత్ర శోకంలో ఉన్న ఆయన కుటుంబానికి ఎండీ ప్రగాఢ సానుభూతి తెలిపారు. పరిశ్రమల శాఖ డైరెక్టర్ సృజన ఫోన్ చేసి సంతాపం ప్రకటించారు.
ఈ కార్యక్రమంలో ఏపీఐఐసీ ఎగ్జిక్యూటివ్ డైరెక్టర్లు సుదర్శన్ బాబు, రాజేంద్ర ప్రసాద్, పరిశ్రమల శాఖ అడిషనల్ డెరైక్టర్ ఏ.వి పటేల్, జాయింట్ డైరెక్టర్ లు ఇందిరా, గిరిధర్, జీఎస్ రావు, ఏపీఐఐసీ సీజీఎం(ఫైనాన్స్) సుబ్బారెడ్డి, సీజీఎం(పర్సనల్) జ్యోతి బసు, కంపెనీ సెక్రటరీ శివారెడ్డి సహా తోటి ఉద్యోగులంతా కృష్ణా జిల్లా నున్నలో ఉన్న ఓఎస్డి నివాసానికి తరలి వెళ్లారు. పరిశ్రమల శాఖ, ఏపీఐఐసీ అధికారులు, ఈడీబీ ప్రతినిధులు అంత్యక్రియలకు హాజరయ్యారు.
