– అదానీ పై కేసీఆర్, బీఆరెస్ వైఖరి ఏమిటో చెప్పాలి.
– మీరు ప్రజల వైపా.. అదానీ వైపా?
– మోదీ, కేసీఆర్ వేర్వేరు కాదు
– చలో రాజ్ భవన్ కార్యక్రమంలో పాల్గొన్న ముఖ్యమంత్రి రేవంత్ రెడ్డి
– నెక్లెస్ రోడ్ లోని ఇందిరా గాంధీ విగ్రహం వద్ద నుంచి పార్టీ శ్రేణులతో కలిసి భారీ ప్రదర్శనగా రాజ్ భవన్ కు బయలుదేరిన సీఎం.
– ఏఐసీసీ పిలుపు మేరకు టీపీసీసీ ఆధ్వర్యంలో చలో రాజ్ భవన్ కార్యక్రమం.
హైదరాబాద్: 75 ఏళ్లుగా కాంగ్రెస్ ఎంతో కష్టపడి దేశ ప్రతిష్ఠను పెంచింది. అదానీ, ప్రధాని ప్రపంచం ముందు మన దేశ పరువు తీశారు. అమెరికాకు సంబంధించిన సంస్థలకు అదానీ లంచాలు ఇచ్చారని అమెరికా విచారణ సంస్థలు నివేదిక ఇచ్చాయి. దేశ పరువు ప్రతిష్టను మంటకలిపిన అదానీపై విచారణ చేపట్టాలని రాహుల్ గాంధీ పార్లమెంట్ లో డిమాండ్ చేశారు. లోక్ సభలో రాహుల్ గాంధీ నిలదీసినా ప్రధాని నిమ్మకు నీరెత్తినట్లు ఉన్నారు.ఈ అంశంపై మాట్లాడేందుకు ముందుకు రావడం లేదు. అందుకే ఇవాళ దేశ వ్యాప్తంగా రాజ్ భవన్ ముట్టడికి కాంగ్రెస్ పిలుపునించింది..
ఈ నేపథ్యంలో టీపీసీసీ ఆధ్వర్యంలో రాజ్ భవన్ ముట్టడి కార్యక్రమం చేపట్టడం జరిగింది. ఏఐసీసీ పిలుపు మేరకు రాజ్ భవన్ ముట్టడి కార్యక్రమంలో పాల్గొన్నాం. ప్రభుత్వమే ధర్నాకు కూర్చోవడం కొందరికి నచ్చకపోవచ్చు, కొందరికి కడుపులో నొప్పి ఉండొచ్చు. అదానీ పై కేసీఆర్, బీఆరెస్ వైఖరి ఏమిటో చెప్పాలి. వారి వైఖరి ఏమిటో చెప్పకుండా కాంగ్రెస్ ను అవహేళన చేసే ప్రయత్నం చేస్తున్నారు.
బీజేపీతో బీఆరెస్ చీకటి ఒప్పందంలో భాగంగానే ఆదానీపై వారు స్పందించడం లేదు. అరెస్టుల నుంచి తప్పించుకునేందుకు బీఆరెస్ బీజేపీకి లొంగిపోయింది. అందుకే ఆదానీపై బీఆరెస్ మాట్లాడటంలేదు. పార్లమెంట్ లో బీఆరెస్ విధానం ఏమిటో చెప్పాలి. మీరు ప్రజల వైపా.. అదానీ వైపా.. చెప్పాలి. ఆదా నీపై మాట్లాడితే వీళ్లను జైల్లో పెడతారనే మాట్లాడటం లేదు.
మమ్మల్ని విమర్శించడం కాదు.ఆదానీపై, జేపీసీపై మీ వైఖరేంటో చెప్పండి.మీ ఎంపీలతో లేఖ రాయించండి. మోదీ, కేసీఆర్ వేర్వేరు కాదు.. నాణానికి బొమ్మ, బొరుసులాంటి వారు. బీఆరెస్ జేపీసీపై డిమాండ్ చేస్తే, శాసన సభలో తీర్మానం చేసేందుకు సిద్ధంగా ఉన్నాం. దేశాన్ని దోచుకున్న ఆదానీపై జేపీసీ వేయడానికి ప్రధాని ఎందుకు సిద్ధంగా లేరు? అదానితో లాలూచీ ఏంది ?జేపీసీ వేయకపోతే అవసరమైతే రాష్ట్రపతి భవన్ వద్ద కూడా ధర్నా చేసేందుకు సిద్ధంగా ఉన్నాం. తన స్నేహితుడిని కాపాడేందుకు మోదీ ప్రయత్నిస్తున్నారు. కానీ అదానీని కాపాడలేరు.
