– ఉప సభాపతి తీగుల్ల పద్మారావు గౌడ్
జల మండలి ద్వారా నెలకు 20 వేల కిలో లీటర్ల మేరకు ఉచితంగా మంచినీటి సదుపాయాన్ని పొందేందుకు పౌరులు ఆధర్ తో తమ వివరాలను అనుసంధానం చేసుకోవాలని ఉప సభాపతి తీగుల్ల పద్మారావు గౌడ్ సూచించారు. ఈ ప్రక్రియను చేపట్టేందుకు ఈ నెల 31వ తేదీకి తుది గడువు విధించినందున ప్రజలు ఈ సదవకాశాన్ని వినియోగించుకోవాలని తీగుల్ల పద్మారావు గౌడ్ శుక్రవారం ఓ ప్రకటనలో సూచించారు. సికింద్రాబాద్ పరిధిలోని అడ్డగుట్ట, తార్నాక, మెట్టుగూడ, సితాఫలమండీ, బౌద్ధనగర్ మునిసిపల్ డివిజన్లలో ఆయా ప్రాంతాల జలమండలి అధికారులు ఈ ఆధర్ లింకేజ్ ప్రక్రియను ముమ్మరంగా నిర్వహిస్తున్నారని అయన తెలిపారు. తమ క్యాన్ నెంబరును ఆధర్ తో సులభంగానే అనుసంధానం చేసుకోవచ్చునని, వివరాలకు సమీపంలోని జలమండలి కార్యాలయంలో గాని, టెలిఫోన్ నెంబరు 155 313 ద్వారా గాని సంప్రదించాలని పద్మారావు గౌడ్ సూచించారు
