-సైబరాబాద్ లో భద్రత కట్టుదిట్టం: సీపీ స్టీఫెన్ రవీంద్ర
– డ్రోన్లతో విహంగా వీక్షణం – కమాండ్ కంట్రోల్ సెంటర్ కు అనుసంధానం
సైబరాబాద్ పోలీస్ కమీషనర్ స్టీఫెన్ రవీంద్ర సైబరాబాద్ క్రైమ్స్ డీసీపీ కల్మేశ్వర్ సింగెన్వర్, ట్రాఫిక్ డీసీపీ టి శ్రీనివాసరావుతో కలిసి ఈరోజు PSIOC కమాండ్ కంట్రోల్ సెంటర్ ను విజిట్ చేసి సైబరాబాద్ పరిధిలోని ఆయా చెరువుల వద్ద నిమజ్జన తీరును పరిశీలించారు.
సైబరాబాద్ పోలీస్ కమీషనరేట్ పరిధిలో ఉన్న 3000 సీసీటీవీ కెమెరాలతో పాటు అదనంగా గణేష్ నిమజ్జనం జరిగే పాయింట్లు వద్ద ప్రత్యేకంగా 700 కెమెరాలను ఏర్పాటు చేయడం జరిగింది. నిమజ్జనం జరిగే 10 ప్రాంతాల్లో ఏర్పాటు చేసిన ఈ సీసీటీవీ కెమెరాలు నేరుగా కమాండ్ కంట్రోల్ సెంటర్ కు అనుసంధానం అయినది.
గణేష్ ఊరేగింపు మార్గంలో ఉన్నటువంటి 1000 సీసీటీవీ లు పోలీస్ కంట్రోల్ రూమ్ తో పాటు కమాండ్ కంట్రోల్ సెంటర్ కు అనుసంధానించబడినవి.
ఈసారి మొట్టమొదటిసారిగా 30 Body worn కెమెరాలు ధరించిన క్షేత్రస్థాయిలోని పోలీస్ కానిస్టేబుళ్లు గణేష్ నిమజ్జనం వద్ద జరిగే ప్రతీ కదలికను పోలీస్ కంట్రోల్ రూమ్ తో పాటు కమాండ్ కంట్రోల్ సెంటర్ కు చేరవేస్తారు. తద్వారా గణేష్ నిమజ్జనం జరిగే తీరుతనులను ప్రత్యక్షంగా చూసే వీలుంటుంది. కమాండ్ కంట్రోల్ సెంటర్ నుంచి ఉన్నత అధికారులు పెట్రోలింగ్ సిబ్బందికి నేరుగా అవసరమైన సూచనలు ఇచ్చే వీలుంటుంది.
ఈ Body Worn కెమెరాల ద్వారా మరో ఉపయోగం ఏమిటంటే CCTV లు గుర్తించని వాటిని పోలీసు కానిస్టేబుళ్లు వివిధ మారుమూల ప్రాంతాలల్లోని ఫీడ్ ని పోలీస్ కంట్రోల్ రూమ్ తోపాటు కమాండ్ కంట్రోల్ సెంటర్ కు అందిస్తారు.
సైబరాబాద్ పరిధిలోని IDL ట్యాంక్, సూరారం చెరువు, పల్లె చెరువు ట్యాంక్, దుర్గం చెరువు, ప్రగతినగర్ చెరువు, గంగారం చెరువు, హస్మత్ పేట్ చెరువు, జేపి నగర చెరువు, మల్కం చెరువు, రాయసముద్రం
చెరువు, శామీర్ పేట్ చెరువు, పల్లె చెరువు, పట్టి కుంట చెరువు, కాముని చెరువు, ఆర్సీ పురం చెరువు, పీరం చెరువు, సూరారం చెరువు, సూర సముద్రం, బొబ్బిలి చెరువు తదితర చెరువుల వద్ద 4K హై రిజల్యూషన్ తో కూడిన 10 అడ్వాన్స్డ్ టెక్నాలజీ డ్రోన్ లను ఏర్పాటు చేశారు. తర్ఫీదు పొందిన బృందాలచే వీటిని ఆపరేట్ చేస్తున్నారు.
సైబరాబాద్ పోలీస్ కమీషనరేట్ పరిధిలో గణేష్ నిమజ్జనం సజావుగా సాగేందుకు మూడు జోన్లలో కెమెరా మౌంటెడ్ వాహనాలు ఏర్పాటు చేయబడ్డాయి. ఈ వాహనాలు నిమజ్జనం జరిగే ప్రాంతాల్లో గస్తీ తిరుగుతూ 360 డిగ్రీల కోణంలో నిమజ్జనం జరిగే ప్రాంతాల్లోని ప్రతీ దృశ్యాన్ని పోలీస్ కంట్రోల్ రూమ్, కమాండ్ కంట్రోల్ సెంటర్ కు చేరవేస్తాయి.
సైబరాబాద్ పరిధిలో గణేష్ నిమజ్జనానికి సంబంధించి ఏర్పాటు చేసిన అడ్వాన్స్డ్ డ్రోన్లు 8 కిలోమీటర్ల మేర పరిధిని కవర్ చేస్తాయి. ఈ డ్రోన్లకు అత్యధిక జూమ్ కెపాసిటీ ఉండడం కారణంగా ప్రతీ దృశ్యాన్ని స్పష్టంగా గమనించగలరు. ఈ డ్రోన్ల సహాయంతో గణేష్ నిమజ్జనం ఊరేగింపు తదితర వాటిని ప్రత్యక్షంగా కమాండ్ కంట్రోల్ రూమ్ నుంచి ప్రత్యక్షంగా గమనించే వీలుంటుంది.
ఈ డ్రోన్లు హైవే మార్గాలను మరియు ఆయా ప్రాంతం యొక్క అన్నీ మూలల్లోనూ కవర్ చేస్తాయి. గణేశ్ విగ్రహ ఊరేగింపులో నిమ్మజ్జన ప్రాంతానికి చేరుకునే ETA(Expected Time of Arrival) ను కంట్రోల్ రూమ్ అధికారులు లైవ్ ఫీడ్ అందజేస్తాయి.
సైబరాబాద్ పోలీస్ కమీషనరేట్ పరిధిలోని ముఖ్యమైన జంక్షన్ లలో బహుళ అంతస్తుల భావనాలకు అమర్చిన 30 Video analytics PTZ అడ్వాన్స్డ్ మౌంటెడ్ కెమెరాలను బిగించడం జరిగింది. ప్రతీ దృశ్యాన్ని Pan-tilt-zoom జూమ్ చేసి చూడడం ఈ కెమెరాల యొక్క ప్రత్యేకత.
భద్రత ఇలా..
సైబరాబాద్ పోలీస్ కమిషనరేట్‌లో నేడు, రేపు, ఎల్లుండి (8, 9 & 10 సెప్టెంబర్, 2022) తేదీల్లో జరిగే గణేష్ నిమజ్జనం కోసం విస్తృత ఏర్పాట్లు చేశాము. గణేశ్ బందోబస్త్ కోసం మొత్తం (8,000) పోలీసు
బలగాలను మోహరించాము. సైబరాబాద్ పోలీస్ కమిషనరేట్ పరిధిలో ఈసారి మొత్తం (10,510) గణేశ్ ప్రతిమలను ఏర్పాటు చేయబడ్డాయి. ఇందులో మాదాపూర్ జోన్ లో -2,814, బాలానగర్ జోన్ లో -4,121 & శంషాబాద్ జోన్ లో – 3,575 గణేశ్ విగ్రహాలను ఏర్పాటు చేయబడ్డాయి.
గణేశ్ నిమజ్జనం చివరి రోజున మొత్తం (4,133) విగ్రహాలు నిమజ్జనం చేయబడతాయి. కాగా కూకట్‌పల్లిలోని IDL ట్యాంక్ లో పెద్ద సంఖ్యలో (921) విగ్రహాలు నిమజ్జనం చేయబడతాయి. సైబరాబాద్‌లో మొత్తం (35) ముఖ్యమైన చెరువులు ఉన్నాయి. ఇందులో GHMC పరిధిలో-23 చెరువులు; మేడ్చల్ కలెక్టరేట్ పరిధిలో – 03 చెరువులు మరియు రంగారెడ్డి కలెక్టరేట్ – 09 చెరువులు ఉన్నాయి. సైబరాబాద్ పోలీస్ కమిషనరేట్ లోని చెరువులు అన్నీ సీసీటీవీల పర్యవేక్షణలో ఉన్నాయి.
ఈ సీసీటీవీల PSIOC (పబ్లిక్ సేఫ్టీ ఇంటిగ్రేటెడ్ ఆపరేషనల్ సెంటర్) కమాండ్ కంట్రోల్ సెంటర్ కు నేరుగా అనుసంధానించబడినవి. సైబరాబాద్ లో మొత్తం 36 స్టాటిక్ మరియు 54 మొబైల్ క్రేన్లు ఏర్పాటు చేయబడ్డాయి.
గణేష్ నిమజ్జనం జరిగే ఊరేగింపు మార్గాల్లో సైబరాబాద్ పోలీసులు కట్టుదిట్టమైన భద్రతా ఏర్పాట్లు చేశారు. పోలీసులు క్షుణ్ణంగా తనిఖీలు చేపడుతున్నారు. గణేశ్ మండపాల నిర్వాహకులు, సామాన్య ప్రజలు డ్రోన్‌లను ఎగురవేయడానికి అనుమతి లేదు.
పౌరులకు సూచనలు:
గణేశ్ వేడుకలను సజావుగా నిర్వహించడానికి సైబరాబాద్ పోలీసులు కట్టుబడి ఉన్నారు. సైబరాబాద్ లో బందోబస్త్ విధులపై శిక్షణ పొందిన మరియు అనుభవం ఉన్న సుశిక్షితులైన అధికారులను నియమించాము.
నిమజ్జనం సజావుగా జరిగేందుకు పౌరులు పోలీసులకు సహకరించాలి. ప్రజలు తమ వాహనాలను నిర్దేశిత ప్రాంతాల్లో పార్కింగ్ చేసుకోవాలి మరియు ఎవరి వస్తువుల పట్ల వారు జాగ్రత్త వహించాలి. ప్రజలు ఎలాంటి
పుకార్లను, వదంతులను నమ్మవద్దు మరియు వ్యాప్తి చేయవద్దు. ఈ విషయంలో Whatsapp గ్రూప్ అడ్మిన్లు జాగ్రత్తగా ఉండాలి. పౌరులు విధిగా కోవిడ్ నిబంధనలను పాటించాలి. మాస్కులను ధరించడం, సామాజిక దూరాన్ని పాటించాలి.
గణేష్ నిమజ్జనం జరిగే ప్రదేశాల వద్ద షీ టీమ్స్, క్రైమ్స్ సిబ్బంది ప్రత్యేక నిఘా ఉంచాము. చిన్నారులు, వృద్ధులు, మహిళలకు ఏమైనా ఇబ్బందులు ఉంటే సైబరాబాద్ షీ టీమ్స్ హెల్ప్ లైన్ నంబర్ 9490313747 కు కాల్ చేయగలరు.
పౌరులకు ఏదేని అనుమానాస్పద వ్యక్తులు లేదా వస్తువులు కనిపిస్తే దయచేసి సైబరాబాద్ పోలీసులకు తెలియజేయండి. డయల్ -100 లేదా సైబరాబాద్ పోలీసులWhatsapp నంబర్ -9490617444 కు తెలియజేయగలరు.
