మున్నూరు కాపు మహిళ విభాగం ఆధ్యర్యంలో బతుకమ్మ పండుగ వేడుకలను లోయర్ ట్యాంక్ బండ్ లోని అల్ ఇండియా కాపు బలిజ ఫంక్షన్ హాల్ లో నిర్వహించారు . తెలంగాణ సంస్కృతి, సంప్ర‌దాయాల‌కు
ప్రతీక.. మ‌న ఆడ‌ప‌డుచుల ఆత్మ‌గౌర‌వాన్ని చాటే పూలవేడుక.. బతుకమ్మ పండుగ ఈ కార్యక్రమానికి తెలంగాణ లో అన్ని జిల్లా నుంచి మున్నూరు కాపు సంఘ మహిళలు భారీ సంఖ్యలో హాజరయ్యారు.
ఈ కార్యక్రమానికి మున్నూరు కాపు సంఘం తెలంగాణ రాష్ట్ర అధ్యక్షులు కొండ దేవయ్య పటేల్ , మహిళ గౌరవ అధ్యక్షురాలు, మహిళ కార్పొరేషన్ చైర్మన్ ఆకుల లలిత , మున్నూరు కాపు గ్రేటర్ హైదరాబాద్ మహిళా కన్వీనర్ బండారి లత, కొండా దేవయ్య, శ్వేత, ప్రమీల, కవిత, పద్మ వివిధ రంగాలలో పనిచేస్తున్న రాజకీయ, లాయర్స్, డాక్టర్స్, ప్రభుత్వ ఉద్యోగులు, తదితరులు పాల్గొన్నారు.
ఈ సందర్భంగా గ్రేటర్ హైదరాబాద్ మహిళా అధ్యక్షురాలు, మాజీ కార్పొరేటర్, కాంగ్రెస్ నేత బండారి లత మాట్లాడుతూ.. తెలంగాణ సంస్కృతి సంప్రదాయాలు, మహిళల ఆత్మగౌరవానికి ప్రతీక అయిన బతుకమ్మ
పండుగ, మున్నూరు కాపు సంఘం కుటుంబ వాతావరణంలో నిర్వహించుకోవడం ఆనందంగా ఉందన్నారు. తెలంగాణ సాధన కోసం, తెలంగాణ స్వాతంత్య్ర సంగ్రామంలో పాల్గొన్న మున్నూరు కాపుల స్ఫూర్తితో పనిచేద్దామని పిలుపునిచ్చారు.
