– త్రాచుపామును బంధించిన రాజీవ్ త్రివేది
ఒక రిటైర్డ్ ఐఏఎస్ అధికారి ఇంటిలో జొరబడ్డ దాదాపు ఆరు అడుగుల పొడవైన త్రాచు పామును, మరో ఐపీఎస్ అదికారి పామును పట్టుకొని అటవీ అదికారులకు సురక్షితంగా అందించిన సంఘటన, హైదరాబాద్ ప్రశాసన్ నగర్ లో నేడు జరిగింది. వివరాలకొస్తే, ప్రశాసన్ నగర్ లోని 199 ప్లాట్ ఇంట్లో రిటైర్డ్
ఐఏఎస్ అధికారి కృష్ణయ్య నివాసం ఉంటున్నారు. వీరి ఇంట్లోకి నేడు మధ్యాహ్నం దాదాపు ఆరు అడుగుల పొడవు ఉన్న త్రాచు పాము ప్రవేశించింది. దీనితో, అదే కాలనీలో నివాసం ఉండే రిటైర్డ్ డీజీపీ రాజీవ్ త్రివేది కి సమాచారం అందించారు. రాజీవ్ త్రివేది తన పొరుగునే ఉన్న కృష్ణయ్య ఇంటికి చేరుకొని, ఆ పామును నేర్పుతో బంధించారు. విషపూరితమైన త్రాచుపామును పట్టుకొని కృష్ణయ్య సతీమణికి అందచేశారు. అనంతరం, అటవీ అధికారులకు అప్పగించి దానిని సురక్షితంగా అడవిలో వదిలి వేయాలని రాజీవ్ త్రివేది కోరారు.
