-లిక్కర్ దందాలో ఏకీక్రుతం చేస్తున్న కేసీఆర్
-పంజాబ్, బెంగాల్, ఢిల్లీ వెళ్లింది లిక్కర్ చీకటి ఒప్పందాల కోసమే
-రామచంద్రపిళ్లై, శరత్, స్రుజన్ రెడ్డి, అభిషేక్ లు కేసీఆర్ బినామీలు
-కేసీఆర్ కుటుంబ సభ్యులు ఒబెరాయ్‌ హోటల్‌లో లిక్కర్ మాఫియాను కలిశారా లేదా?
-లిక్కర్ మాఫియా వ్యక్తి ఫ్లైట్ లో కేసీఆర్ కుటుంబసభ్యులు ఢిల్లీ వచ్చారా? లేదా?
-దమ్ముంటే కేసీఆర్ సమాధానం చెప్పాలి
-సీబీఐ విచారణలో అన్ని విషయాలు బయటకొస్తాయి…
-లిక్కర్ స్కాంపై చర్చను దారి మళ్లించేందుకే చెప్పుల పేరిట చిల్లర రాజకీయం
-అమిత్ షా మా గురువు, తండ్రిలాంటివాడు… చెప్పులందిస్తే తప్పేముంది?
-తల్లిదండ్రులకు, గురువులకు చెప్పులందిస్తే గులాంగిరీ చేసినట్లా?
-కేసీఆర్ దగ్గరకుపోతే మందు, సిగరేట్ వాసనొస్తది..
-మోదీ, అమిత్ షా వద్దకు పోతే దేశభక్తి, ధైర్యం వస్తది
-హైదరాబాద్ లో బీజేవైఎం వాళ్లపై దాడిని తీవ్రంగా ఖండిస్తున్నా
-బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ వ్యాఖ్యలు
దేశవ్యాప్తంగా అన్ని పార్టీలను ఏకం చేస్తానని ప్రగల్భాలు పలికిన ముఖ్యమంత్రి కేసీఆర్ వాస్తవానికి ‘‘లిక్కర్ ఫ్రంట్’’ పెట్టేందుకే ఢిల్లీ, పంజాబ్, పశ్చిమ బెంగాల్ రాష్ట్రాల నేతలతో చీకటి ఒప్పందం చేసుకున్నారని బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ వ్యాఖ్యానించారు. లిక్కర్ మాఫియాతో కేసీఆర్ కుటుంబ సభ్యుల ప్రమేయం ఉందని ఆరోపించారు. పంజాబ్ లో ని డ్రగ్స్ ను తెలంగాణకు విస్తరింపజేయడానికి, తెలంగాణలోని లిక్కర్ సామ్రాజ్యాన్ని పంజాబ్, ఢిల్లీ, బెంగాల్ రాష్ట్రాలకు విస్తరింపజేసుకునేందుకే పరస్పర చీకటి ఒప్పందాలు చేసుకున్నారని వ్యాఖ్యానించారు. రామచంద్ర పిళ్లై, శరత్, స్రుజన్ రెడ్డి, అభిషేక్ లు కేసీఆర్ కుటుంబ బినామీలని అన్నారు. లిక్కర్ స్కాంపై సీబీఐ విచారణ జరుపుతోందని, త్వరలోనే కుటుంబం బండారం బయటపడుతుందని స్పష్టం చేశారు.
అమిత్ షాకు చెప్పులందించడంపై టీఆర్ఎస్, కాంగ్రెస్ నేతలు చేస్తున్న దుష్ప్రచారంపై ధ్వజమెత్తారు. ‘‘అమిత్ షా పెద్దాయన, గురువు. తండ్రిలాంటి వాడు. చెప్పులందిస్తే తప్పేముంది? గురుద్వారాలో చెప్పులు శుభ్రం చేస్తాం. ఇందాక పాదయాత్రలో ఓ పెద్దావిడ పోలియోతో ఇబ్బంది పడుతుంటే చెప్పులు తొడిగా.. తప్పేముంది? అయినా అమిత్ షా, మోదీలను కలిసేందుకు, వారిని టచ్ చేసేందుకు ఎంతో మంది ఎదురుచూస్తుంటరు. ఎందుకంటే వారిని స్ర్పశిస్తే దేశభక్తి ఎక్కవైతది. ఎంతో ధైర్యం కలుగతది. అదే కేసీఆర్ ను తాకితే ఏమొస్తది.. మందు, సిగరేట్ వాసన తప్ప’’అని ఎద్దేవా చేశారు. ఈరోజు పాదయాత్ర లంచ్ శిబిరం వద్ద మీడియాతో మాట్లాడుతూ బండి సంజయ్ చేసిన వ్యాఖ్యల్లోని ముఖ్యాంశాలు…
మునుగోడు భారీ బహిరంగ సభ నేపథ్యంలో.. నిన్న పాదయాత్ర కు బ్రేక్ ఇచ్చాం. అమిత్ షా సభలో రాజగోపాల్ రెడ్డి చేరారు. బహిరంగ సభను విజయవంతం చేసిన మునుగోడు ప్రజలు, బీజేపీ కార్యకర్తలకు ధన్యవాదాలు తెలుపుతున్నాం. బహిరంగ సభ విజయం తో ప్రజలు బీజేపీ వైపు ఉన్నారనే విషయం అర్థమయింది. కేసీఆర్ సభ ఫెయిల్ అయింది… బీజేపీ సభ సక్సెస్ అయింది.
ఢిల్లీ మద్యం కుంభకోణం లో కేసీఆర్ కుటుంబానికి సంబంధాలు ఉన్నాయని వార్తలు వచ్చాయి. కేసీఆర్ ఢిల్లీ, పంజాబ్ వెళ్తున్నది లిక్కర్ దందా కోసమే. లిక్కర్ సిండికేట్ చేసి, తన కుటుంబ సభ్యులకు కాంట్రాక్టులు ఇప్పించడానికే వెళ్తున్నాడు. లిక్కర్ ఆదాయం రూ.4000 కోట్ల నుంచి, రూ.30 వేల కోట్లకు పెంచిండు. లిక్కర్ దందా బండారం బయటపడుతుందనే భయంతో కేసీఆర్ ఈడీ… ఈడీ అంటుండు. డ్రగ్స్ మద్యం…ఇలా అన్నింటిలో టీఆర్ఎసోళ్లే ఉన్నారు. ఢిల్లీ లో ఒబేరాయ్ హోటల్ లో లిక్కర్ మాఫియాతో కలిశారా..? లేదా..?. పిళ్ళై పెట్టిన ఫ్లైట్ లో ఢిల్లీకి వెళ్ళారా…? లేదా..అరుణ్ రామచంద్రయ్య పిళ్ళై శరత్, సృజన్ రెడ్డి, అభిషేక్ తో కేసీఆర్ కుటుంబానికి సంబంధం ఉందా..? లేదా..? కేసీఆర్ సమాధానమివ్వాలి.
ఎనకటి ఓ మహారాణి ఉండేది. చనిపోయే వరకు దేశాన్ని ఏలాలని ఆమెకు కోరికుండేది. అప్పుడు మంత్రులను పిలిచి తన మనసులోని మాట బయటపెట్టి సలహా అడిగింది. వాళ్లు చెప్పిందేమిటంటే… ప్రతి ఊర్లో మద్యం దుకాణాలు పెట్టండి. వాటికి అలవాటుపడిన యువత వ్యసనాలకు బానిసలైతరు. అప్పుడు మీ మీద తిరగబడే అవకాశం లేదని అన్నరు. మరి మహిళలు, వ్రుద్దులు తిరగబడతారు కదా.. అని మహారాణి అడిగితే… ‘‘ఆ ఏముంది… మద్యం షాపుల ద్వారా వచ్చే ఆదాయాన్ని సంక్షేమ పథకాల పేరుతో వారికి పంచండి.. వాళ్లు కూడా కిక్కురమనరు. ‘‘అని సలహా ఇచ్చారట… కేసీఆర్ కూడా సరిగ్గా ఇయాళ చేస్తున్నదదే.. ఊరికో 10 బెల్టు షాపులు, వైన్స్, బార్ షాపులతో మద్యాన్ని ఏరులై పారుస్తున్నడు. తెలంగాణలో లిక్కర్ తయారు చేసి పంజాబ్ లో అమ్ముతారు… అక్కడి డ్రగ్స్ ఇక్కడ అమ్ముతారు. యువతను మద్యానికి బానిసలను చేస్తుండు. బెంగాల్, పంజాబ్ లో ట్రై చేశారు. అర్ధరాత్రిలిక్కర్ షాప్(టానిక్) ను తెరిచేందుకు… నడిపేందుకు ప్రత్యేక జీవో ఇచ్చారు.
తన కుటుంబం సభ్యులపై ఆరోపణలు వస్తే…ట్విట్టర్ టిల్లు ఎక్కడికి పోయిండు?. ఢిల్లీ లిక్కర్ దందా లో కాంగ్రెస్ పార్టీ నేతలకు కూడా హస్తం ఉంది. టీఆర్ఎస్, కాంగ్రెస్ పార్టీలు కలిసే… లిక్కర్ దందా చేస్తున్నాయి. శరత్ ఎవరి బంధువు?. టీఆర్ఎస్, కాంగ్రెస్ పార్టీలకు వాటా ఉంది… ఇద్దరూ పంచుకుంటున్నారు. కేసీఆర్ కుటుంబ సభ్యులకు ప్రమేయం ఉందా..? లేదా..? సీఎం సమాధానం చెప్పాలి. హైదరాబాద్ లో బీజేవైఎం కార్యకర్తలపై దాడి చేశారు. దాడి చేసిన పోలీసులపై చర్యలు తీసుకోవాలని బీజేపీ డిమాండ్ చేస్తోంది.
అమిత్ షా కు చెప్పులు అందించడంపై మీడియా అడిగిన ప్రశ్నలకు బదులిస్తూ… నాపై చిల్లరగాళ్ళు చేసే ఆరోపణలు పట్టించుకోను. అమిత్ షా పెద్ద మనిషి. చెప్పులు తీసిస్తే..పెద్ద ఇష్యూ నా?. అమిత్ షా నాకు ఆదర్శ వ్యక్తి. కలెక్టర్ లు కేసీఆర్ కాళ్ళు మొక్కిన్రు. దాన్ని ఏమనాలి?. కేసీఆర్ ను ముట్టుకోడానికి భయపడతరు. ఎందుకంటే… మందు వాసన వస్తుందని. లిక్కర్ దందా ఇష్యూ ని డైవర్ట్ చేసేందుకే… ఇలా నాపై విమర్శలు చేస్తున్నారు.
ప్రణబ్ ముఖర్జీ, నరసింహన్ కాళ్ళు మొక్కే కేసీఆర్.. దళితుడు అయిన రాంనాథ్ కోవింద్ కాళ్ళు మాత్రం మొక్కడు. లక్ష్మీపార్వతి కాళ్ళు కూడా .మొక్కినాడు కేసీఆర్. బయట జయశంకర్ కాళ్ళు మొక్కి, లోపల మాత్రం తన్నిండు. రజాకార్ల పై పోరాడిన వీరుడు మాచర్ల నర్సయ్య కాళ్ళు కూడా మొక్కిన. ఇది గులాం గిరీనా?
లిక్కర్ దందాపై సీబీఐ విచారణ చేస్తోంది. ఈ స్కాంలో కేసీఆర్ కుటుంబం దోషులుగా తేలుతారు. ‘అమిత్ షా-జూనియర్ ఎన్టీఆర్’ కేవలం ‘RRR’ సినిమా పై మాత్రమే కలిశారు. జూనియర్ ఎన్టీఆర్ నటనకు ముగ్దుడై మాత్రమే కలిశారు. కేసీఆర్ ది అంతా మేకపోతు గాంభీర్యం.
