– దోచుకున్న డబ్బుతో లండన్ విహారయాత్రలో ఎంజాయ్
– అర్ధరాత్రి అరెస్టు చేయడం ఏమిటి
– తిరుపతి జనసేన ఇంఛార్జి కిరణ్ రాయల్
తిరుపతి: రాష్ట్రంలో అరాచకాలు రోజురోజుకీ పెరిగిపోతున్నాయి : మాజీ సీఎం చంద్రబాబు నాయుడుని అరెస్టు చేయడం అప్రజాస్వామికం అని తిరుపతి జనసేన నాయకులు కిరణ్ రాయల్ రాష్ట్ర ప్రభుత్వం పై తీవ్ర విమర్శలు చేశారు.
రాష్ట్రంలోప్రతిపక్షాలు కనపడకుండా చేయడమే లక్ష్యంగా జగన్మోహన్ రెడ్డి పెట్టుకున్నారు. విపక్ష నేతలను భయభ్రాంతులకు గురి చేస్తూ వైసీపీ పాలన కొనసాగిస్తుంది. ఆంధ్రాలో దోచుకున్న డబ్బుతో లండన్ విహారయాత్రలో ఎంజాయ్ చేస్తున్నాడు జగన్మోహన్ రెడ్డి. గతంలో పవన్ కళ్యాణ్ ను అరెస్టు చేయాలని వైసిపి ప్రభుత్వం చూసిందని జన సైనికులను చూసి భయపడిందని ఎద్దేవా చేశారు. ప్రజాస్వామ్యబద్ధంగా పరిపాలన చేయకుండా రాష్ట్ర ప్రభుత్వం రాక్షస పాలన కొనసాగిస్తుందని దుయ్యబట్టారు.
కడప ఎంపీ అవినాష్ రెడ్డి అరెస్టు కాబోతున్నారని ఆ కేసును తప్పుదారి పట్టించడానికి చంద్రబాబునాయుడు అరెస్టు చేశారు. ప్రతిపక్షాలను ఇబ్బంది పెట్టడమే అధికార పార్టీ లక్ష్యంగా ఉంది.
చంద్రబాబు నాయుడు వయసుకు కూడా గౌరవం ఇవ్వకుండా అర్ధరాత్రి అరెస్టు చేయడం ఏమిటి అని ప్రశ్నించిన జనసేన నాయకులు. సైకో జగన్ కి అరెస్టులు చేయించడం కొత్తేం కాదు. అక్రమ అరెస్టులతో పాలన సాగిస్తున్న ప్రభుత్వానికి రాబోయే రోజుల్లో ప్రజలే బుద్ధి చెబుతారు.
