టీడీపీ (TDP) నాయకులు, కార్యకర్తలపై ఈ మధ్య కాలంలో తరుచూ దాడులు జరుగుతున్నాయి. అధిపత్యపోరు నేపథ్యంలో టీడీపీ శ్రేణులపై జరుగుతున్న దాడులను అధినాయకత్వం ఎప్పటికప్పుడు ఖండిస్తూనే ఉంది. పోలీసుల దృష్టికి తీసుకెళ్తుంది. అయినా దాడులు తగ్గడం లేదు. విజయవాడలో టీడీపీ
కార్పొరేటర్ చెన్నుపాటి గాంధీ‌పై దుండగులు దాడి చేశారు. పటమటలంకలోని బాలికోన్నత పాఠశాల వద్ద గాంధీని గుర్తుతెలియని వ్యక్తులు చితకబాదారు. కంటికి తీవ్ర గాయం కావడంతో వెంటనే ఎల్ వి ప్రసాద్ కంటి ఆసుపత్రికి తరలించారు. ఈ దాడి ఘటనపై టీడీపీ శ్రేణులు ఆగ్రహం వ్యక్తం చేస్తున్నాయి.
కుటుంబ సభ్యులతో ఫోన్ లో మాట్లాడిన చంద్రబాబు
వైసిపి గూండాల దాడిలో తీవ్రంగా గాయపడి ఆసుపత్రిలో చికిత్స పొందుతున్న మాజీ కార్పొరేటర్ చెన్నుపాటి గాంధీ ఆరోగ్య పరిస్థితిపై పార్టీ నేతలు, కుటుంబ సభ్యులతో ఫోన్ లో మాట్లాడిన పార్టీ అధినేత చంద్రబాబు నాయుడు.
దాడిలో గాంధీ కంటికి తీవ్ర గాయం అయిందని చంద్రబాబుకు వివరించిన ఎమ్మెల్యే గద్దే రామ్మోహన్, పార్టీ నేతలు. దాడిని తీవ్రంగా ఖండించిన చంద్రబాబు, దాడి కారణంగా కంటి చూపుకు ప్రమాదం ఏర్పడే అవకాశం ఉందన్న సమాచారం తీవ్ర ఆవేదన వ్యక్తం చేసిన అధినేత. మెరుగైన చికిత్స అందేలా చూడాలని నేతలకు సూచన
