– అక్టోబర్ 11 నుంచి 15 వరకు శ్రీ వెంకటేశ్వర వైభోత్సవాలు
హైదరాబాద్ ప్రజలు ఎప్పుడ ఎప్పుడా అని ఎదురుచూస్తున్న తరుణం వచ్చింది. 6 ఏళ్ళ నిరీక్షణ తరువాత మన హైదరాబాద్ కు తిరుమల ఆనంద నిలయమే తరలిరానున్నది.
అక్టోబర్ 11 నుంచి 15 వరకు “శ్రీ వెంకటేశ్వర వైభోత్సవాల” పేర తిరుమలలో శ్రీనివాసునికి జరిగే నిత్య కైంకర్యాలు హైదరాబాద్ ప్రజల ముంగిటకు TTD వారి సౌజన్యంతో ముప్పవరపు హర్షవర్ధన్ దంపతులు (హర్ష టయోట), వంశీరామ్ బిల్డర్స్ సుబ్బారెడ్డి దంపతులు, అపర్ణ బిల్డర్స్ వెంకటేశ్వర రెడ్డి దంపతులు తీసుకువస్తున్నారు. ఇక సుప్రభాత సేవ నుంచి పవళింపు సేవ వరకు అందరూ కనులారా తిలకించవచ్చు. భాగ్యనగరం గోవిందా నామస్మరణతో మారుమోగనుంది.
తిరుమల శ్రీవారి ఆనంద నిలయాన్ని మన హైదరాబాద్ నడిబొడ్డున ఉన్న NTR Stadiam లో చూడవచ్చు. ఎన్టీఆర్ స్టేడియంలో ఏర్పాటు చేసిన ఆనంద నిలయంలో (నమూనా ఆలయం)లో TTD అర్చకులే స్వామివారికి నిత్య కైంకార్యాలు చేస్తారు, అందరికీ ఇష్టమైన తిరుపతి లడ్లు, ఇతర స్వామివారి ప్రసాదాలు అందజేస్తారు. ఈ కార్యక్రమానికి అందరూ ఆహ్వానితులే.
ఏ మా భాగ్యం. మనం ఏడుకొండలు ఎక్కి రాలేమనో శ్రీవారే మన కోసం హైదరాబాద్ నడిబొడ్డునకు వచ్చి, తనకు నిత్యం ఆనంద నిలయంలో జరిగే కైంకర్యాలు, ఇక్కడే అందుకొని మనల్ని పరవశింప చేయనున్నారు. ఇక సరిగ్గా నెల రోజులే. ఇటువంటి మహా కార్యక్రమం నిర్వహిస్తున్న హర్షవర్ధన్ దంపతులకు, టీటీడీ (TTD) వారికి వంశీరామ్ సుబ్బారెడ్డి దంపతులకు, అపర్ణ బిల్డర్ వెంకటేశ్వర రెడ్డి దంపతులకు ధన్యవాదాలు. నేటి నుంచి అక్టోబర్ 11 వరకు కౌంట్ డౌన్ స్టార్ట్.
-అంకబాబు
