– టీడీపీ ఎన్నారై యూఎస్ కో ఆర్డినేటర్ జయరాం కోమటి పిలుపు
వరద బాధితులను ఆదుకోవాలని ఎన్ఆర్ఐ టీడీపీ యూఎస్ కో ఆర్డినేటర్ జయరాం కోమటి అన్నారు. ఆదివారం అమెరికాలోని బే ఏరియాలో ఎన్టీఆర్ శతజయంతి ఉత్సవాల్లో భాగంగా 3వ మహానాడు జరిగింది. ఈ కార్యక్రమానికి జయరాం కోమటి అధ్యక్షత వహించారు. శాసనసభ్యులు గోరంట్ల బుచ్చయ్య చౌదరి ఆన్ లైన్ లో ప్రసగించారు. ఈ కార్యక్రమానికి గుంటూరు మిర్చి యార్డ్ మాజీ ఛైర్మన్ మన్నవ సుబ్బారావు ముఖ్య అతిథిగా పాల్గొన్నారు. ముందుగా ఎన్టీఆర్ కు ఘన నివాళి అర్పించడం జరిగింది.
ఈ సందర్భంగా జయరాం కోమటి మాట్లాడుతూ.. ప్రకృతి వైపరీత్యాలు సంభవించినప్పుడు అమెరికాలో ఉన్న ప్రవాసాంధ్రులు అనేక సందర్భాల్లో బాగా స్పందించారు. రాష్ట్రంలో సంభవించిన వరదల కారణంగా ప్రజలు కష్టాల్లో ఉన్నారు. మానవతాదృక్పథంతో ఆదుకోవాల్సిన బాధ్యత అందరిపై ఉంది. వరద బాధితులను ఆదుకోవడంలో ప్రభుత్వం పూర్తిగా విఫలమైంది. చంద్రబాబు వయస్సును కూడా లెక్కచేయకుండా తక్షణమే స్పందించి వరద పీడిత ప్రాంతాల్లో పర్యటించి బాధితులకు భరోసా కల్పించారు. ఎన్టీఆర్ ట్రస్ట్ తరపున తెలుగుదేశం పార్టీ బాధితులకు సహాయం అందించడం అభినందనీయం.
గోరంట్ల బుచ్చయ్య చౌదరి మాట్లాడుతూ.. మౌలిక సదుపాయాలు సక్రమంగా ఉంటే పరిశ్రమలు, కంపెనీలు, పెట్టుబడులు వస్తాయి. ఉద్యోగ, ఉపాధి అవకాశాలు మెరుగుపడతాయి. ముఖ్యమంత్రి అసమర్థత, ఆర్థిక, రాజకీయ విధానాల వల్ల పరిపాలన అస్తవ్యస్తంగా తయారైంది. రహదారులు, ఇసుక, విద్యుత్, తాగునీరు లాంటి మౌలిక వనరులు అందుబాటులో లేకుండా పోయాయి.
మన్నవ సుబ్బారావు మాట్లాడుతూ.. రాష్ట్రాన్ని జూదాంధ్రప్రదేశ్ గా మార్చారు. జూదం, మద్యం అడ్డూ అదుపూ లేకుండా పోయింది. సాక్షాత్తూ వైసీపీ నాయకులే క్యాసినోను నడిపిస్తున్నారు. పన్నులు, ధరల పెంపుతోటి సామాన్యుడి బతుకు దుర్భరంగా మారింది. ముఖ్యమంత్రి పాలన చేతగాక చేతులెత్తేశారు. తన అసమర్థతకు, చేతగానితనానికి, వైఫల్యాలకు చంద్రబాబును బూచిగా చూపెడుతున్నారు. అమెరికాలో ఉన్న ప్రవాసాంధ్రులు చంద్రబాబునాయుడును తిరిగి ముఖ్యమంత్రిని చేసేవరకు నిరంతరం కృషిచేయాలన్నారు.
అనంతరం ఎన్టీఆర్ కు భారతరత్న ఇవ్వాలి, సంక్షోభంలో విద్యారంగం, వరద బాధితులను ఆదుకోవాలి, రహదారులు- నరక కూపాలు, రాజధాని అమరావతిని అభివృద్ధి చేయాలి, సభ్యత్వ నమోదు – పార్టీ సంస్థాగత నిర్మాణం వంటి పలు తీర్మానాలను మన్నవ సుబ్బారావు ప్రవేశపెట్టారు. ఈ కార్యక్రమంలో.. వెంకట్ కోగంటి ప్రసాద్, మంగిన, వీరు ఉప్పల, శ్రీకాంత్ దొడ్డపనేని, లక్ష్మణ్ పర్చూరి, విజయకృష్ణ గుమ్మడి, శ్రీని వల్లూరిపల్లి, చంద్ర గుంటుపల్లి, సతీష్ అంబటి, సతీష్ చిలుకూరి, రజని కాకరాల, జెట్టి వెంకయ్య, హేమారావు నందిపాటి, భరత్ ముప్పిరాల, లీయోన్ రెడ్డి, సుధీర్ వున్నం, విజయ్ అసురి, శ్రీలు వెలిగేటి, శ్రీదేవి, భాస్కర్ వల్లభనేని, రాజా కొల్లి తదితరులు పాల్గొన్నారు.
