– రాష్ట్రంలో ఆయనకు ఇళ్లు లేకుండా చేయాలని ఎన్నిఆటంకాలు సృష్టిస్తారు?
– ఈ ఇంటికి ఆనాటి ముఖ్యమంత్రి రాజశేఖర్ రెడ్డి అన్ని అనుమతులు ఇచ్చారని ఈ నాటి ముఖ్యమంత్రికి తెలుసా?
– టీడీపీ పొలిట్ బ్యూరో సభ్యులు వర్ల రామయ్య
ముఖ్యమంత్రి జగన్ టీమ్ ప్రతిపక్షాలను ఇబ్బందిపెట్టి పైశాచిక ఆనందం పొందుతున్నారని టీడీపీ పొలిట్ బ్యూరో సభ్యులు వర్ల రామయ్య మండిపడ్డారు. మంగళగిరిలోని టీడీపీ జాతీయ ప్రధాన కార్యాలయంలో నిర్వహించిన మీడియా సమావేశంలో ఆయన మాట్లాడూతూ….వైసీపీ మంత్రులు, ఎమ్మెల్యేలు వీధీ రౌడీళ్లు వ్యవహరిస్తూ పైశాచిక ఆనందం పోందుతున్నారు. నిన్న చంద్రబాబు నివాసం ఉంటున్న కరకట్ట ఇళ్లు జప్తు చేశారంటూ అతి అల్పబుద్ధి కలిగిన సజ్జల రామకృష్ణారెడ్డి పాత్రికేయులతో మాట్లాడుతూ వ్యక్తపరిచిన శునకానందం ఆశ్చర్యాన్ని కలిగించింది.
రాష్ట్రంలో ప్రతిపక్ష నాయకుడు, ప్రతిపక్షం ఉండకూడదని ముఖ్యమంత్రి జగన్ ఉద్దేశ్యమా? అడుగడుగునా ప్రతిపక్షనేత, చంద్రబాబు కదలికలకు అడ్డంకులు కలిగిస్తుంది అందుకేనా?ఆయన అద్దెకు ఉంటున్న ఇళ్లు జప్తు కాబడితే ఆ తగవు ఇంటి యాజమాని లింగమనేని రమేష్ కి ప్రభుత్వానికి మధ్య, అందులోకి చంద్రబాబు నాయుడుని ఎందుకు లాగుతున్నారు? చంద్రబాబు కుప్పంలో నూతన గృహనిర్మాణానికి పరిమిషన్ ఇవ్వకుండా ఎందుకు ఇబ్బంది పెడుతున్నారు? ఆయన ఇళ్లు కట్టుకోవడం జగన్ కు ఇష్టం లేదా?
తాడేపల్లిలో జగన్ రెడ్డి ఇళ్లు కట్టుకోవాలంటే ఆనాడు ముఖ్యమంత్రి,ఆగమేఘాల మీద అనుమతులు ఇచ్చారే, మరి, మీరెందుకు చంద్రబాబుకు అనుమతులివ్వరు? ప్రతిపక్ష నాయకుడైన చంద్రబాబుపై ముఖ్యమంత్రికి ఎందుకు అంత కక్ష? చంద్రబాబు ఇంటిపైన దాడికి, వీధి రౌడీలా వ్యవహరించిన జోగి రమేష్ కు ప్రమోషన్ ఇచ్చి మంత్రిని చేస్తారా? పార్టీ ప్రధాన కార్యాలయం మీద దాడి చేసిన చిరు నాయకుడ్ని పెద్దనాయకుడుగా ప్రమోషన్ ఇస్తారా?
బాధిత మాదిగ కుటుంబాలను పలకరించటానికి ఆత్మకూరు వెళ్తున్న చంద్రబాబును ఇంటిలోనుండి బయటికి రాకుండా గేటుకు ఎందుకు తాళ్లు కట్టి నిర్భదించారు? అడుగడుగునా చంద్రబాబు పర్యటనలకు అడ్డు తగిలి, చిల్లరకేసులు పెట్టి ఆటంకం కలిగిస్తారా? చిమ్మ చీకటీలో అనపర్తి లో 8 కిలోమీటర్లు ఆయన్ని ఇబ్బంది పెట్టాలని కాలి నడకన నడిపిస్తారా? లింగమనేని రమేష్ కట్టిన ఈ ఇంటికి ఆనాటి ముఖ్యమంత్రి రాజశేఖర్ రెడ్డి అన్ని అనుమతులు ఇచ్చారని ఈ నాటి ముఖ్యమంత్రికి తెలుసా?
ప్రతిపక్ష నాయకుడుగా జగన్ అధికార నివాసంగా లోటస్ పాండ్ లోని ఇంటికి పరిమిషన్ ఇచ్చింది నాటి ముఖ్యమంత్రి చంద్రబాబు నాయుడని మీకు తెలియదా? మరి ఈనాడు మీరు ముఖ్యమంత్రి గా ప్రతిపక్ష నాయకుడైన చంద్రబాబుకు ఎందుకు అనుమతులు ఇవ్వరు? చంద్రబాబుకు ఇళ్లు లేకుండా, కట్టుకోవడానికి అనుమతులు ఇవ్వకుండా ఆయనను రోడ్డున పడేద్దామనుకుంటున్నారా?
మీరెన్ని కుట్రలు పన్నినా, ఆయనకు ఇళ్లు లేకుండా ఎన్ని ఆటంకాలు సృష్టించినా, ప్రస్తుతం ఉంటున్న ఇంటి నుండి బయటికి పంపినా, ఆయన కోట్లాదిమంది ప్రజల గుండెల్లో స్థిర నివాసం ఏర్పాటు చేసుకున్నారు. ఈ విషయాన్ని వైసీపీ నేతలు గమనించాలని వర్ల రామయ్య అన్నారు.
About the Author
