– అండర్-13 ఆల్ ఇండియా సబ్ జూ. ర్యాంకింగ్ బ్యాడ్మింటన్ టోర్నమెంట్
హైదరాబాద్‌: అసోంలోని డిబ్రూగఢ్‌లో జరుగుతున్న అండర్-13 ఆల్ ఇండియా సబ్ జూనియర్ ర్యాంకింగ్ బ్యాడ్మింటన్ టోర్నమెంట్ 2024 పోటీల్లో స్థానిక మ్యాచ్ పాయింట్ బ్యాడ్మింటన్ అకాడమీ క్రీడాకారిణి శాన్వి లట్టాల అద్భుతమైన ఆటతో మెయిన్ డ్రా కి అర్హత సాధించింది. చివరి రౌండ్ లో అసోం క్రీడాకారిణి తనిస్క్ గొనవర్ పై వరుస సెట్స్ లో 15/11,15/13 గెలుపొందింది.
తొమ్మిదేళ్ళ శాన్వి అండర్-13 అల్ ఇండియా ర్యాంకింగ్ టోర్నమెంట్ లో మెయిన్ డ్రా కి అర్హత సాధించి రికార్డు సృష్టించింది. ఈ సందర్భంగా శాన్వి ని మ్యాచ్ పాయింట్ చైర్మన్, హెడ్ కోచ్ వేణు ముప్పాల అభినందించారు.
భవిష్యత్తు లో ఇంకా ఎన్నో విజయాలు సాధించాలంటూ ఆశీర్వదించారు అనంతరం అంతర్జాతీయ క్రీడాకారులు జేబీఎస్‌ విద్యాధర్‌, బీవీఎస్‌కే లింగేశ్వరావు కూడా శాన్విని ప్రశంసించారు. శాన్వికి ఉజ్వల భవిష్యత్తు ఉందని, ఉన్నత శిఖరాలను అందుకుంటుందంటూ ఇంటర్నేషనల్ అంపైర్ సంపతిరావు సూరిబాబు కొనియాడారు.
