భీమవరం: తీవ్రగాయాలతో ఉన్న కోతిని చికిత్స కోసం ఆసుపత్రికి తీసుకువస్తే కోతి భుజంలో బుల్లెట్ గుర్తించిన భీమవరం వైద్యులు. ఇప్పుడు కోతి భుజం నుండి బుల్లెట్ తొలగించిన వీడియో భీమవరంలో వైరల్ అవుతుంది వివరాల్లోనికి వెళితే కుక్కల దాడిలో గాయపడిన కోతికి వైద్యం చేస్తున్న సమయంలో కోతి భుజంలో బుల్లెట్ గుర్తించిన పశువైద్యులు ఆశ్చర్యం వ్యక్తం చేశారు. పశ్చిమ గోదావరి జిల్లా చెరుకువాడలో
ఒక కోతి పై కుక్కలు దాడి చేశాయి అని డాక్టర్ కు ఫోన్ రావడంతో తీవ్రంగా గాయపడిన ఆ వానరాన్ని కొందరు భీమవరంలోని ప్రవేటు పశువైద్యశాలకి తరలించారు. సత్వర చికిత్స చేసిన డాక్టర్ సాయి తేజ తదుపరి పరిశీలించగా బుల్లెట్ గాయం గుర్తించారు. వెంటనే ఆ బుల్లెట్ ను తొలగించారు. షూటింగ్ ప్రాక్టీస్ కోసం ఉపయోగించే తుపాకీ లేదా నాటు తుపాకీ బుల్లెట్ గా అనుమానిస్తున్నారు. మూగ జీవాల పట్ల కర్కశంగా వ్యవహరించే వారిపై చర్యలు తీసుకోవాలని జంతు ప్రేమికులు కోరుతున్నారు.
