హైదరాబాద్ లో స్థాపించిన ప్రపంచంలోనే అతిపెద్దదైన 125 అడుగుల ఎత్తైన రాజ్యాంగ నిర్మాత డాక్టర్ బి.ఆర్. అంబేద్కర్ విగ్రహాన్ని శుక్రవారం అంబేడ్కర్ మనుమడు ప్రకాష్ అంబేడ్కర్ తో కలిసి రాష్ట్ర ముఖ్యమంత్రి కల్వకుంట్ల చంద్రశేఖర్ రావ్ ఆవిష్కరించారు. ఈ కార్యక్రమానికి హాజరైన సందర్బంగా సీఎం కేసీఆర్ మా తమ్ముడు అంటూ ఎమ్మెల్సీ శేరి సుభాష్ రెడ్డిని అంబేడ్కర్ మనుమడు ప్రకాష్ అంబేడ్కర్ కు పరిచయం చేశారు. ఈ మేరకు ఆయన సుభాష్ రెడ్డి ని ఎంతో ఆప్యాయంగా పలకరించారు. భారతదేశ రాజ్యాంగ నిర్మాత డాక్టర్ అంబేద్కర్ మనుమడు ప్రకాష్ అంబేడ్కర్ ను కలవడం తన అదృష్టంగా భావిస్తున్నానని సుభాష్ రెడ్డి తెలిపారు. ముఖ్యమంత్రి కేసీఆర్ వల్ల తనకు ఈ అవకాశం లభించిందని ఆయన సంతోషం వ్యక్తం చేశారు.
