టిడిపిపై ఫేక్ వీడియోతో దుష్ప్రచారం చేసిన మన్విత్ కృష్ణారెడ్డిపై సిఐడికి ఫిర్యాదు చేసిన వర్ల రామయ్య
• సిఐడి ఛీప్ ను తన కార్యాలయంలో కలిసి ఆధారాలతో సహా పిర్యాదును అందజేసిన తెదేపా పొలిట్ బ్యూరో సభ్యులు వర్ల
• వర్లతో పాటు సిఐడి అడిషనల్ డీజీ విజయకుమార్ ను కలిసిన బీసీ విభాగం రాష్ట్ర ప్రధాన కార్యదర్శి వీరంకి గురుమూర్తి, హెచ్.ఆర్.డి సభ్యులు ఎస్.పి సాహెబ్
ఫేక్ వీడియోలతో వైసీపీ సోషల్ మీడియా సభ్యులు టిడిపిపై దుష్ప్రచారం చేస్తున్నారు.తాజాగా రామాల మన్విత్ రెడ్డి…. కృష్ణ చౌదరి అనే పేరుతో టిడిపి కార్యకర్తలా ఫేక్ వీడియో విడుదల చేసి టిడిపిపై దుష్ప్రచారం చేశారు. మన్విత్ కృష్ణారెడ్డి కరుడుగట్టిన వైసీపీ మద్దతుదారుడు.
టిడిపి గుర్తులను, చంద్రబాబు నాయుడు ఫోటోలను బ్యాక్ డ్రాప్ లో వాడుకుని ఫేక్ వీడియో రూపొందించాడు.ప్రాంతీయ విధ్వేషాలు, వివిధ కులాలు, సామాజిక వర్గాలలో టిడిపిపై వ్యతిరేకత వచ్చేలా వీడియో చేసి దుష్ప్రచారం చేశాడు. కులాలను, కులవృత్తులను కించపరిచేలా వ్యాఖ్యలు చేశాడు.
టిడిపి నాయకుడి వేషంలో తప్పుడు వ్యాఖ్యలు చేస్తున్నట్లు ప్రజలను నమ్మింపచేసేలా మన్విత్ కృష్ణారెడ్డి వీడియోలో మాట్లాడాడు. తప్పుడు వార్తలను ప్రచారం చేయడంలో వైసీపీ సోషల్ మీడియా కో-ఆర్డినేటర్ సజ్జల భార్గవ్ రెడ్డి సిద్దహస్తుడు.
ఇటువంటి తప్పుడు వీడియోలు ప్రచారం చేయడంలో రాజకీయ కుట్ర దాగిఉంది. మన్విత్ కృష్ణారెడ్డితో పాటు తప్పుడు వీడియోలతో దుష్ప్రచారాలు చేస్తూ రాజకీయ కుట్రలకు పాల్పడిన వారిపై వెంటనే కేసు నమోదు చేసి అరెస్టు చేయండి.
