– ఆచార్య నాగార్జున విశ్వవిద్యాలయం రెక్టర్ ప్రొఫెసర్ రామినేని శివరామ ప్రసాద్
– “జీఎస్టీ 2.0 సంస్కరణలు – విద్యార్థులకు మహత్తర ఉపశమనం” అనే అంశంపై
ఆచార్య నాగార్జున విశ్వవిద్యాలయంలో సదస్సు
నాగార్జున విశ్వవిద్యాలయం: జీఎస్టీ 2.0 సంస్కరణలు, ఆర్థిక క్రమశిక్షణపై విద్యార్థులకు అవగాహన కల్పించడంలో విద్యాసంస్థలు ముందుండాలని ఆచార్య నాగార్జున విశ్వవిద్యాలయం రెక్టర్ ప్రొఫెసర్ రామినేని శివరామ ప్రసాద్ అన్నారు. ఆచార్య నాగార్జున విశ్వవిద్యాలయం ఇంజినీరింగ్ కళాశాల ఆధ్వర్యంలో “జీఎస్టీ 2.0 సంస్కరణలు – విద్యార్థులకు మహత్తర ఉపశమనం” అనే అంశంపై గురువారం నిర్వహించిన అవగాహన కార్యక్రమానికి ఆయన అధ్యక్షత వహించారు.
ఈ సందర్భంగా ప్రొఫెసర్ రామినేని మాట్లాడుతూ, జీఎస్టీ 2.0 పారదర్శకత, సరళత వంటి అంశాలు యువతలో ఆర్థిక అవగాహన పెంపు దిశగా కీలకమైన అడుగు అని పేర్కొన్నారు. దేశ ఆర్థిక దృష్టికోణానికి అనుగుణంగా విద్యా వ్యవస్థలో ఆర్థిక పరంగా బాధ్యతాయుత చైతన్యాన్ని పెంపొందించడమే దీని లక్ష్యమని ఆయన తెలిపారు. విద్యార్థులకు తాజా జీఎస్టీ 2.0 సంస్కరణలు, డిజిటల్ అనుసరణ చర్యలపై అవగాహన కల్పించడమే ఈ కార్యక్రమం ప్రధాన ఉద్దేశ్యమని తెలిపారు.
ప్రధాన అతిథులుగా డి. శివప్రసాదరావు, సహాయ కమిషనర్, జీఎస్టీ, మంగళగిరి, సాయి శంకర్ లండా, డెప్యూటీ రిజిస్ట్రార్ ఆఫ్ కంపెనీస్, కార్పొరేట్ వ్యవహారాల మంత్రిత్వశాఖ (భారత ప్రభుత్వం) హాజరయ్యారు. వీరు జీఎస్టీ 2.0లో కొత్తగా తీసుకువచ్చిన సంస్కరణలు, డిజిటల్ చర్యలు, విద్యార్థులు మరియు స్టార్టప్లకు లభించే పన్ను ప్రయోజనాలపై విశదంగా వివరించారు.
ప్రొఫెసర్ సురేష్ కుమార్, ప్రిన్సిపల్, ఆర్ట్స్ కళాశాల, జీఎస్టీ వ్యవస్థ పరిణామం, లక్ష్యాలపై వివరణ ఇచ్చారు. ప్రొఫెసర్ సింహాచలం (రిజిస్ట్రార్), ప్రొఫెసర్ లింగరాజు (ఇంజినీరింగ్ కళాశాల ప్రిన్సిపల్), డా. ఎం. గోపీ కృష్ణ, డా. డి. చంద్రమౌళి (అసిస్టెంట్ ప్రిన్సిపల్స్) కార్యక్రమంలో పాల్గొని ఈ కార్యక్రమాన్ని అభినందించారు.
About the Author
