రాజకీయ కక్ష సాధింపు కోసం పోలీసు వ్యవస్థని భ్రష్టు పట్టిస్తున్నారు జగన్ రెడ్డి. కొంతమంది పోలీసులు ఇండియన్ పీనల్ కోడ్ ని గాలికొదిలి జగన్ పీనల్ కోడ్ అమలు చెయ్యడమే పనిగా పెట్టుకున్నారు. వైసిపి పాలనలో పోలీసు వ్యవస్థ ఎంతగా దుర్వినియోగం అవుతుందో చెప్పడానికి ప్రొద్దుటూరులో జరిగిన సంఘటన ఉదాహరణ. టిడిపి ఇంఛార్జ్ ప్రవీణ్ కుమార్ రెడ్డి ఇంటి పై వైసిపి రౌడీ మూకలు దాడి చేసి రాళ్లు రువ్వారు. ప్రవీణ్ ఇంటి పై దాడి జరుగుతుందనే సమాచారం ఉన్నా అడ్డుకోని పోలీసులు రివర్స్ లో ప్రవీణ్ రెడ్డి పై అక్రమ కేసు బనాయించి అర్థరాత్రి అరెస్ట్ చేసారు. జగన్ రెడ్డి భాషలో రివర్స్ పోలీసింగ్ అంటే ఇదేనేమో! ప్రొద్దుటూరులో టిడిపి ఇంఛార్జ్ ప్రవీణ్ కుమార్ రెడ్డి, ఇతర టిడిపి నాయకుల అరెస్ట్ ని తీవ్రంగా ఖండిస్తున్నాను. తక్షణమే ప్రవీణ్ ని, టిడిపి నాయకుల్ని విడుదల చెయ్యాలి. ప్రవీణ్ ఇంటి పై దాడి చేసిన వైసిపి రౌడీ మూకల పై కేసులు పెట్టి అరెస్ట్ చెయ్యాలి.
పోలీసు వ్యవస్థని భ్రష్టు పట్టిస్తున్న జగన్ రెడ్డి: నారా లోకేష్
