Suryaa.co.in

    • Family

    అమ్మకి నువ్వే అన్నీ!

    ** Posted on

    అమ్మకి నమస్సులతో..

    అన్నం పరబ్రహ్మ స్వరూపం..
    మరి ఆ అన్నం పెట్టే అమ్మ
    అంతకు మించిన దైవరూపం!

    నీ ప్రపంచం
    ఎంత పెద్దదైనా కాని
    అమ్మకి నువ్వే ప్రపంచం..
    అమ్మ కూడా ఒకనాడు
    నీలాగే పుట్టింటి మహారాణి..
    చదువుల శ్రీవాణి..
    అమ్మానాన్నల
    ముద్దుల పూబోణి…
    తన స్నేహితులు.. చదువులు..ఆటలు..పాటలు
    అబ్బో..
    ఆమెదీ ఓ పెద్ద ప్రపంచం..!
    ఈలోగా ఆమెకీ
    ఓ చక్కని ఉద్యోగం…
    పెద్ద జీతం..
    కుదురుకునే లోగానే పెళ్లి..
    కొత్త చోటు..
    సరికొత్త వాతావరణం..
    అప్పుడు పెనిమిటే లోకం…
    అంత కొత్త ప్రపంచంలో
    బాగా తెలిసిన మనిషి..
    తన మనీషి..
    అతగాడి చుట్టూనే
    తన కలలు..
    అంతలోనే
    కడుపులో పడ్డ నువ్వు
    కనిపించకుండానే
    మురిపించే నీ నవ్వు..
    అంతే..
    అమ్మ ప్రపంచం మారిపోయింది..
    అప్పటి వరకు
    నాన్నే తన సర్వం..
    చేస్తున్న ఉద్యోగమే గర్వం..
    ఇక మొదలయినట్టే
    నీ పర్వం!

    ఇక నువ్వే అమ్మ లోకం..
    నీ బొబ్బ..నీ బువ్వ..
    నీ లాల.. నీ జోల..
    పొద్దున్న లేస్తే నీ గొలే…
    పనిలో ఉన్నా..
    గనిలో ఉన్నా..
    కార్ఖానాలో ఉన్నా..
    నీ మీదే దృష్టి..
    కొంచెం పెద్ధయితే
    నీ చదువు..
    ఆపై నీ పెళ్లి..నీ పిల్లలు
    మరోసారి సేవకు సిద్ధం..
    తన ముదిమిని మరచి
    శేషజీవితం కూడా
    నీ సేవకై అంకితం..
    ఇన్ని చేసిన అమ్మ రుణం
    నువ్వు తీర్చుకునేదెలా..
    ఆమ్మని బరువనుకోక
    నీ దేవతని పూజించు..
    నీ ఆప్యాయత ఆమెకి
    శతాయుష్షు..
    ఒక్కటి గుర్తుపెట్టుకో..
    తాను మరణించాక కూడా
    ప్రేమించేది అమ్మే..!

    ఎలిశెట్టి సురేష్ కుమార్
    9948546286

    LEAVE A RESPONSE

    **
    View all posts

    You Might Also Like

    Devotional

    Devotional

    హనుమంతుడు వివాహితుడా? అవివాహితుడా?

    హనుమంతుడు అవివాహతుడనే చాలామందికి తెలుసు. ఆయన బ్రహ్మచారి అన్నది లోకం నమ్మిక. కానీ ఆయన వివాహితుడేనని శాస్త్రం చెబుతోంది. మరి హతుమంతుడు వివాహితుడా? అవివాహితుడా? ఓసారి చూద్దాం! ఆయనను సువర్చలా సహిత హనుమ అని పిలుస్తారు. సువర్చలా సహిత హనుమకు కళ్యాణం చేయడం శాస్త్రంలో అంగీకరించారు. ఎందుకంటే గృహస్థాశ్రమంలోకి వెళ్ళకుంటే పెద్దలైనటువంటివారు తరించరు. శాస్త్రంలో హనుమకు…

    **
    Devotional

    గుడిలో ప్రదక్షిణ ఎందుకు చేస్తారు?

    గోపురం దాటి లోనికి వచ్చిన భక్తుడు ధ్వజస్థంభ దర్శనం చేసుకున్న తరువాత లోనున్న దైవదర్శనం చేసుకునే ముందు గుడి ప్రాకారంలోపల ప్రదక్షిణం చెయ్యడం ఆనవాయితీ. అసలు ప్రదక్షిణం ఎందుకు చేయాలి? ప్రదక్షిణ అని దేనిని అంటారు?? అంతరాలయం చుట్టూ చేస్తే దాన్ని పరిక్రమం అంటారు, బయట ప్రాకారం చుట్టూ చేస్తే దాన్ని ప్రదక్షిణ అంటారు. ఋగ్వేదం…

    **

    Sports

    Sports

    చరిత్ర సృష్టించిన భారత చెస్ ప్లేయర్

    భారత చెస్ ప్లేయర్ దొమ్మరాజు గుకేశ్ వరల్డ్ చెస్ ఛాంపియన్ గా అవతరించారు. వరల్డ్ చెస్ ఛాంపియన్ షిప్-2024లో భాగంగా మాజీ ఛాంపియన్ డింగ్ లిరెన్తో జరిగిన 14వ రౌండ్లో గుకేశ్ విజయం సాధించారు. దీంతో క్లాసికల్ చెస్ ప్రపంచ ఛాంపియన్గా అవతరించిన అత్యంత పిన్న వయస్కుడిగా (18 ఏళ్లు) రికార్డు నెలకొల్పారు. గేమ్ అనంతరం…

    **
    Andhra Pradesh Sports

    అండర్ 19 రాష్ట్ర జట్టుకు ఎంపికైన సభ్యులను అభినందించిన ఎమ్మెల్యే

    జగ్గయ్యపేట పట్టణానికి చెందిన టి. వరుణ్ సాత్విక్, ఎన్. రాజేష్ లు ఆంధ్ర రాష్ట్ర అండర్ 19 మల్టీ డేస్ క్రికెట్ జట్టుకు ఎంపికయ్యారు. ఈరోజు జగ్గయ్యపేట జీ.వీ.జే బాయ్స్ హైస్కూల్లో గల బివి సాగర్ మెమోరియల్ స్పోర్ట్స్ వెల్ఫేర్ అసోసియేషన్ లో నెట్స్ వద్దకు ఎమ్మెల్యే శ్రీరాం రాజగోపాల్ తాతయ్య వెళ్లి వారిని అభినందించారు….

    **