అక్రమాలకు పాల్పడుతున్న వారిని వదిలి ప్రతిపక్షాన్ని వేధించడమేమిటి?
దొంగఓటర్లను అడ్డుకుంటే అరెస్ట్ లు చేసి వేధిస్తారా?
తెలుగుదేశం పార్టీ జాతీయ అధ్యక్షుడు చంద్రబాబునాయుడు ఆగ్రహం
మున్సిపల్ ఎన్నికల్లో ఎన్నికల్లో అక్రమాలకు పాల్పడుతున్న అధికార పార్టీ నేతలను వదలి ప్రశ్నించిన ప్రతిపక్ష నేతలను అదుపులోకి తీసుకొని వేధించడం దుర్మార్గం. కుప్పంలో నోట్ల కట్టలు పంచుతూ పట్టుబడ్డ వైసీపీ నేతలను అదుపులోకి తీసుకోకుండా తెలుగుదేశం కేడర్ ను పోలీసులు బెదిరించడం అనైతికం, అప్రజాస్వామికం. దొంగ ఓట్లు వేయడానికి వచ్చేవారిని అడ్డుకోవడం నేరమా? ప్రశ్నిస్తే అరెస్టులు చేస్తారా? నెల్లూరులో టీడీపీ అభ్యర్థులకు మద్దతుగా వ్యవహరిస్తున్న కప్పిర శ్రీనివాసులు అనే టిడిపి నాయకుడ్ని మంత్రి అనిల్ వారంరోజులుగా పోలీస్ స్టేషన్ కు పిలిపించి వేధించడం వైసిపి నాయకుల శాడిస్టు, సైకో మనస్థత్వానికి నిదర్శనం. వైసిపి నేతల వేధింపులు తట్టుకోలేక ఆత్మహత్యా యత్నానికి పాల్పడ్డాడు. శ్రీనివాసులుకు ఎటువంటి ప్రాణహాని జరిగినా మంత్రి అనిల్ కుమార్ బాధ్యత వహించాలి. చట్టానికి విరుద్దంగా వ్యవహరించిన పోలీసులు న్యాయస్థానం ముందు తలొంచుకుని నిలబడాల్సి వస్తుంది.
