1977 నాటి వ్యూహం కాంగ్రెస్ అమలు?
సాధారణంగా సి‌బి‌ఐ కానీ ఎన్ఫోర్స్మెంట్ డైరెక్టరేట్ కానీ మూడు లేదా నాలుగు వాయిదాల్లో విచారణకి రమ్మని సమన్లు పంపుతాయి నిందితులకి. మూడో సారో లేదా నాలుగో సారో విచారణ తరువాత అరెస్ట్ చేస్తున్నట్లు ప్రకటిస్తాయి.
ఒక్కో సారి మొదటి సారి విచారణ తరువాత అరెస్ట్ చేస్తూ ఉంటాయి. సోనియా, రాహుల్ ని ED విచారణ కోసం రమ్మనడం ఇది రెండో సారి. ఇద్దరూ బెయిల్ మీద ఉన్నవాళ్లే !
కోవిడ్ సోకింది అంటూ సోనియా తాత్కాలికంగా విచారణకి డుమ్మా కొట్టింది. కానీ రాహుల్ ని మూడు రోజుల పాటు విచారించింది ఈడీ . ఒకరోజు విరామం కావాలి అని రాహుల్ అదిగినట్లు తెలుస్తున్నది బహుశా సోమవారం మళ్ళీ తుది విచారణకి రమ్మని పిలవవచ్చు.
సోమవారం విచారణ తరువాత ఈడీ అధికారులు రాహుల్ ని అరెస్ట్ చేస్తారా ? ఇదే అతి పెద్ద ఛాలెంజ్ !
ఈడీ విచారణ మౌఖికంగా ప్రశ్నలు వేయడం జరగదు,. ఒక విద్యార్ధికి ప్రశ్నా పత్రం ఇచ్చి ఖాళీలలో జవాబులు వ్రాయమని ఎలా ఇస్తారో .. ఈడీ కూడా కాస్త అటూ ఇటుగా అలాంటి క్వెశ్చనైర్ ని ఇస్తుంది నిందుతులకి.ప్రతి ప్రశ్నకి జవాబు ఆయా వ్యక్తులు తమ చేతితో వ్రాయాల్సి ఉంటుంది. ఎందుకంటే తరువాత కోర్టులో నేను అలా అనలేదు అనడానికి ఆస్కారం ఉండదు. ప్రశ్నకి జవాబు వ్రాయాల్సి ఉంటుంది. అలాగే ప్రతీ పేజీ మీద నిందితుడు సంతకం చేయాల్సి ఉంటుంది.
ఈడీ ఇన్వెస్టిగేషన్ ఆఫీసర్ కి తగిన ఆధారాలు ఉన్నాయని భావిస్తే , సెక్షన్ 50 ప్రివెన్షన్ ఆఫ్ మనీ లాండరింగ్ యాక్ట్ 2002 [section 50 of the Prevention of Money Laundering Act, 2002(Act), ప్రకారం అరెస్ట్ చేసే అధికారం ఉంటుంది.
అదే సమయంలో తగిన ఆధారాలు లేకుండా అరెస్ట్ చేస్తే, సెక్షన్ 62 PMLA ACT [section 62 of the PMLA Act] ప్రకారం రెండేళ్ళు జైలు శిక్ష పడుతుంది సదరు ఇన్వెస్టిగేషన్ అధికారికి.
ఈడీ చట్టాలు కఠినంగా ఉంటాయి కాబట్టి ఇది పక్కా ప్రొఫెషనల్ వర్క్. ఇందులో రాజకీయ జోక్యం అంటూ ఏమీ ఉండడానికి ఆస్కారం ఉండదు. రాజకీయ జోక్యం వల్ల ఇన్వెస్టిగేషన్ అధికారి కనుక అక్రమంగా అరెస్ట్ చేస్తే రెండేళ్ళు జైల్లో ఉండాల్సిందే !కానీ నేరం జరిగిందా లేదా అనే మీమాంసకి ఆధారాలు కావాల్సి ఉంటుంది. అందుకే ఆలస్యం అవుతున్నది. ఎటొచ్చీ అంతా ఇన్వెస్టిగేషన్ అధికారి మీదనే ఆధారపడి ఉంది.
రాహుల్ ఏమంటున్నాడు ?
నాకేమీ తెలియదు. నన్ను సంతకం పెట్టమని అడిగితే పెట్టాను తప్పితే, అంతా మోతీలాల్ వోరా చూసుకున్నారు. ఇదీ రాహుల్ వెర్షన్ ! ఇంతకీ రాహుల్ ఒక రోజు వ్యవధి కావాలని ఆడగడంలో వ్యూహం ఉంది. ఈడీ అధికారులు ఎలాంటి ప్రశ్నలు అడిగారు అని చిదంబరం లాంటి వాళ్ళు అడగడానికి వ్యవధి కోరాడు రాహుల్.
రాహుల్ ఏం ప్రశ్నలు అడిగారు తరువాత, హాస్పిటల్ నుండి డిశ్చార్జ్ అయ్యాక సోనియా ఎలాంటి సమాధానాలు ఇవ్వాలి అనే కోసం ప్రిపరేషన్ అన్నమాట.
ఇక్కడ ఒకరి సమాధానాలతో ఇంకొకరి సమాధానాలు విభేదించకూడదు. అలా చేస్తే నేరం నిరూపితం అవడానికి ఆస్కారం ఉంది.
అయితే ఇంతకు ముందే కలకత్తా సూట్కేస్ కంపెనీ అయిన DOTEKS మేనేజింగ్ డైరక్టర్ల నుండి జవాబులు రాబట్టింది ఈడీ . ఇప్పుడు రాహుల్ – సోనియా ఇచ్చే సమాధానాలు సదరు DOTEX md ల సమాధానాలతో కూడా విభేదించకూడదు ఎందుకంటే మనీ లాండరింగ్ జరిగింది అని నిరూపితం అయ్యింది. కానీ ఎవరు దీనికి బాధ్యులు అనేదే ఈడీ తేల్చాల్సి ఉంటుంది.
తప్పుడు కేసు పెట్టి అరెస్ట్ చేసినందుకు, ఈడీ అధికారికి ఎలా అయితే రెండేళ్ల శిక్ష పడుతుందో.. అలాగే తప్పుడు సాక్ష్యం ఇచ్చినందుకు కూడా, నిందుతిలకి రెండేళ్ళు అదే చట్టం ప్రకారం శిక్ష పడుతుంది. మనీ లాండరింగ్ చేసినందుకు కాదు. తప్పుడు సమాధానం ఇచ్చినదుకు శిక్ష పడుతుంది.
సరిగ్గా ఇక్కడే సోనియా రాహుల్ లు భయపడుతున్నది. చుట్టూ ఉన్న భజన బృందం భయం కూడా ఇదే !
ఇంతకీ మోతీలాల్ వోరా ఎవరు ?
నెహ్రూ కుటుంబానికి నమ్మిన బంటు. సుదీర్ఘ కాలం[18 ఏళ్లు] కాంగ్రెస్ పార్టీ కి కోశాధికారిగా [Tresurer] పని చేశాడు. అహ్మద్ పటేల్,మోతీలాల్ వోరా, సుశీల్ షిండే, ఆంటోనీ లు నలుగురూ సోనియా కి నమ్మిన బంట్లు. అయితే ఇందులో ఇద్దరు మోతీలాల్ వోరా,అహ్మద్ పటేల్ చనిపోయారు.
ఎక్కడెక్కడ ఎంత డబ్బు ఏ రూపంలో ఉం.. దో మోతీలాల్ వోరా,అహ్మద్ పటేల్ లకి మాత్రమే తెలుసు. మోతీలాల్ కి అయితే సోనియా చాలా ప్రాముఖ్యత ఇచ్చేదీ. ఎంతలా అంటే 80 వ దశకం నుండి పార్టీలో ముఖ్యుడుగా ఉండేవాడు. అలాగే కేంద్ర మంత్రిగా, ముఖ్యమంత్రిగా, గవర్నర్ గా లేదంటే వార్ రూమ్ లో కీలక వ్యక్తిగా ఉండేవాడు.
చాలా గోప్యంగా ఉండేవాడు. ఎంతలా అంటే.. తాను ఎక్కడ ఏ పదవిలో ఉన్నా ఫోన్ ని ఎవరినీ తాకనిచ్చే వాడు కాదు. తానే స్వయంగా ఫోన్ తీసి మాట్లాడేవాడు. ఒక వేళ ఫోన్ దగ్గర ఎవరూ లేకపోయినా. లేదా PA లు ఉన్నా వాళ్ళు ఫోన్ ఎత్తి మాట్లాడడానికి అనుమతి ఉండేది కాదు. మరి తాను ఎంతయినా కోశాధికారి కదా ? ఏ మాత్రం రహస్యం బయటికి రానిచ్చే వాడు కాదు వోరా.
వోరా నే కాదు అహ్మద్ పటేల్ కూడా పార్టీ ఫండ్ విషయంలో చాలా గోప్యంగా ఉండేవారు. వాళ్ళ రహస్యాలు వాళ్ళతోనే వెళ్లిపోయాయి తప్పితే, ఇంట్లోని వాళ్ళకి కూడా తెలియదు.
మిగతా కోశాధికారుల కంటే మోతీలాల్ వోరా ఎంత వైభవాన్ని అనుభవించాడు అంటే… 15 Gurudwara Rakabgunj Marg లో కాంగ్రెస్ వార్ రూమ్ గా పిలవబడే హాల్ లో, పక్కనే చిన్న మినీ హాల్ ఉంది. ఆ మినీ హాల్ లో ఒక కుర్చీ ప్రత్యేకంగా మోతీలాల్ వోరా కి కేటాయించారు అంటే ఆ కుర్చీలో మోతీలాల్ వోరా తప్పితే పి,చిదంబరం, ప్రణబ్ ముఖర్జీ, AK ఆంటోనీ,సుశీల్ కుమార్ షిండే లాంటి వారు ఆ కుర్చీలో కూర్చోవడానికి భయపడేవారు. వార్ రూమ్ సమావేశాలలో కూడా వోరా లేకపోయినా సరే, ఆ కుర్చీ ఖాళీగా ఉండేది తప్పితే, ఎవరూ కూర్చునే సాహసం చేయలేదు.
కాంగ్రెస్ పాలిత రాష్ట్రాల ముఖ్యమంత్రులు,గవర్నర్ లు వోరా ని కలవడాని వస్తే, సాష్టాంగ ప్రణామం చేయాల్సిందే. అలా చేయకపోతే వాళ్ళ పదవులు ఊడిపోతాయి.
ఇక నేషనల్ హెరాల్డ్ పత్రిక, దాని ఆస్తులు కొనుగోళ్లలో మోతీలాల్ వోరా తో పాటు, అతని తమ్ముడు గోవిందలాల్ [ఇతను ఛత్తీస్గఢ్ లోని అమృత సందేశ్ కి యజమాని మరియు జర్నలిస్ట్ ] మరియు కాంగ్రెస్ మాజీ రాజ్యసభ సభ్యుడు, ప్రెస్ క్లబ్ ఆఫ్ ఇండియా (PCI) వ్యవస్థాపక సభ్యుడు అయిన విశ్వబంధు గుప్తా లు ప్రధాన పాత్ర పోషించారు.
అసోసియేట్ జర్నల్ లిమిటెడ్ కి ఛైర్మన్ మోతీలాల్ వోరా. అలాగే యంగ్ ఇండియా లో మోతీలాల్ వోరా, ఆస్కార్ ఫెర్నాండెజ్ కి మొత్తం 25% షేర్లు ఉంటే , మిగతా 75% షేర్లు సోనియా,రాహుల్ పేరిట ఉన్నాయి.
నేషనల్ హెరాల్డ్ పత్రికని నడపలేమని కాబట్టి అమ్మేస్తున్నామని, నేషనల్ హెరాల్డ్ వర్కర్స్ యూనియన్ వాళ్ళతో మాట్లాడి వాళ్ళని ఒప్పించి, తతంగం మొత్తం నడిపించింది మోతీలాల్ వోరా నే ! ఇప్పుడు రాహుల్ నాకేమీ తెలియదు వోరా సంతకం పెట్టమంటే పెట్టాను అంటున్నాడు.
అయితే వోరా తమ్ముడు అయిన గోవింద లాల్ వోరా, అలాగే విశ్వబంధు గుప్తా లని ఈడీ విచారించిందో లేదో తెలియదు కానీ, మొత్తం నేరాన్ని మోతీలాల్ వోరా మీదకి నెట్టేస్తున్నారు తల్లీ కొడుకులు ఇద్దరూ కలిసి.
ఇప్పుడు నేరాన్ని నిరూపించే ఆధారాలు ఉన్నా, అవి చేసింది మోతీలాల్ వోరా కాబట్టి మాకేమీ తెలియదు అని తప్పించుకోవడానికి ప్రయత్నిస్తున్న సోనియా,రాహుల్ ల వాదనని ప్రత్యేక కోర్ట్ అంగీకరిస్తే ?
మోడీ,షా ద్వయానికి పెద్ద ఛాలెంజ్ !
సోనియా హాస్పిటల్ నుండి డిశ్చార్జ్ అయ్యి , ఈడీ ఆఫీసుకి వెళ్ళే వరకు ఏదో ఒక కారణం చేత అల్లర్లు జరుగుతూనే ఉంటాయి.OK బిజేపి పాలిత రాష్ట్రాలలో కట్టడి చేయవచ్చు మరి బెంగాల్,రాజస్థాన్,ఛత్తీస్ గఢ్,మహారాష్ట్ర , తెలంగాణ లలో అల్లర్లు చేసేవారికి మద్దతు తప్పకుండా దొరుకుతుంది మరి వీటిని కట్టడి చేయగలరా మోడీ,షా ద్వయం ?ఇక చివరిది ఒక వేళ సోనియా,రాహుల్ ని అరెస్ట్ చేసినా కోర్టు వాళ్ళ పాత్ర లేదని కేసు కొట్టివేస్తే ? అప్పుడు కూడా విధ్వంసానికి పాల్పడతారు మరి వీటిని కట్టడి చేయగలరా మోడీ,షా ద్వయం ?అందుకే ఇది 2022 లో అతి పెద్ద రియల్ ఛాలెంజ్ అవుతుంది !
ఒకసారి 1977 లోకి వెళితే.. అప్పట్లో ఎమర్జెన్సీ లో జరిగిన ఆరాచకాల మీద కోపం తో ఇందిర ని ఓడించారు ప్రజలు. అధికారంలోకి వచ్చిన జనతా పార్టీ ప్రధాని మొరార్జీ.. ఇందిర మీద కేసులు పెట్టి జైల్లో పెట్టించాడు. కానీ ఆ తరువాతి సంఘటనలని నియంత్రించడం లో విఫలమయ్యి, తరువాతి ఎన్నికలలో సానుభూతి ఓట్లతో ఇందిర గెలుపుకి కారణం అయ్యాడు మొరార్జీ దేశాయి.
ప్రస్తుతం జరుగుతున్న సంఘటనలని జాగ్రత్తగా పరిశీలిస్తే.. 77 లోని స్ట్రాటజీ నే కాంగ్రెస్ కొనసాగిస్తున్నది అని అర్థమవుతుంది. అలా జరగకుండా మోడీ,షా ఆపగలరా ?
బిగ్ బిగ్ రియల్ ఛాలెంజ్ !
– తీగల రవీంద్ర
