నాకు తెలిసిన
నవ్వుల సుధాకర్..
ఎదిగాడు కారెక్టర్ నటుడిగా..
ఒదిగాడు మంచి మనిషిగా..!
వస్తూనే తన మకాం
ఇక్కడే శాశ్వతమని..
చిత్రసీమకు ఇచ్చేశాడు
శుభలేఖ..
ఇక్కడే దొరికింది
జీవితాన శశిరేఖ..
శైలజ రూపంలో..
సుధా ‘సాగర’ముతో
సంగమమై..
ఆ జంట కాపురమే
పూర్ణోదయ లయనిలయమై..!
ఈ కపిల వారి దేవుడయ్య
మనిషి బక్కోడే గాని
గొంతు గంభీరం..
ఆ గళమే చేసింది
కమెడియన్ను
క్యారెక్టర్ ఆర్టిస్ట్..
శివలో పాత్ర కెరీర్లో
ఓ పెద్ద ట్విస్ట్..!
హాస్యం ఎంత లాస్యమో..
సీరియస్ పాత్రల్లో
అంత ప్రశస్తం
ఈ సితార దేవదాసు
మా శైలజమ్మ ప్రేమదాసు..
స్వరం బాగుంటుందని డాబు
సితార సూరిబాబు..
మొదట్లో అల్లరివాడైనా
మొన్నటికి మొన్న
వకీల్ సాబ్ లో
ఇంటి ఓనరుగా
అమ్మాయిలకు
ఇచ్చిన మద్దతు..
పెంచింది ధరావతు..!
సురేష్ కుమార్ ఎలిశెట్టి
9948546286
