– సొంత సైన్యాన్ని నిర్మించుకొని ప్రవీణ్ కుమార్ అరాచకాలు
– బాల్క సుమన్ చేసిన అరాచకాలపై చర్చకు సిద్దమా?
– కబ్జాలకు పెట్టింది పేరు కేటీఆర్ అండ్ కంపెనీ కాదా ?
– రైతులకు బేడీలు వేసిన మీరు రైతుల గురించి మాట్లాడడం హాస్యాస్పదం
– మంత్రి అడ్లూరి లక్ష్మణ్ కుమార్
హైదరాబాద్: మాఫియా, డాన్లు, కాంట్రాక్టులు, కమిషన్ల గురించి బీఆర్ఎస్ నేతలు మాట్లాడడం హాస్యాస్పదంగా ఉంది. బ్లాక్ మెయిలింగ్ చేయడంలో దిట్ట అయిన బాల్క సుమన్, ఆర్ఎస్ ప్రవీణ్ కుమార్ మంత్రుల గురించి మాట్లాడే ముందు కేసీఆర్ పదేళ్ల పాలనపై ఒకసారి ఆత్మ పరిశీలన చేసుకోవాలి.
ప్రవీణ్ కుమార్ నేతృత్వంలో గురుకులాల పరిస్థితిని, ప్రస్తుతం గురుకులాల్లో పరిస్థితులను బేరీజు వేసుకుంటే బడుగు బలహీన వర్గాల విద్యార్థుల కోసం కాంగ్రెస్ ఎంత ప్రాధాన్యతిస్తుందో స్పష్టమవుతోంది. కేసీఆర్ హయాంలో గురుకులాలు అస్తవ్యస్తంగా ఉన్నా నోరు ఎత్తని ప్రవీణ్ కుమార్ ఇప్పుడు రాజకీయాలు చేస్తున్నారు.
కొందరు గురుకులాల విద్యార్థులను, వారి తల్లిదండ్రులను ప్రలోభాలకు గురిచేసి సొంత సైన్యాన్ని నిర్మించుకొని ప్రవీణ్ కుమార్ చేసిన అరాచకాలు బహిరంగ రహస్యమే. తాను ఐపీఎస్ అధికారి అని చెప్పుకునే ప్రవీణ్ కుమార్ తెలంగాణలో సంచలనం రేపిన నేరెళ్ల సంఘటనపై ఎందుకు నోరు మెదపలేదు? అప్పుడు బీఆర్ఎస్ నేతలను కేసీఆర్ ప్రభుత్వం కాపాడుతుంటే, దళితులకు న్యాయం కోసం ప్రవీణ్ కుమార్ ఎందుకు ముందుకు రాలేదు?
ఉద్యమం పేరుతో యువతను, విద్యార్థులను రెచ్చగొట్టిన బాల్క సుమన్ బీఆర్ఎస్లో పదవులు అనుభవించారే కానీ, యువత కోసం ఎప్పుడు పోరాడలేదు. బీఆర్ఎస్ హయాంలో ఉద్యోగ నియామకాలు లేకుండా యువత ఉద్యమిస్తుంటే యువనేతగా చెప్పుకునే సుమన్ ఎక్కడ దాక్కున్నారు? కేసీఆర్ కుటుంబంతో సన్నిహితంగా మెలిగే బాల్క సుమన్ వారి అండతో చేసిన అరాచకాలపై చర్చకు సిద్దమా.?
శాంతి భద్రతల గురించి మాట్లాడుతున్న ప్రవీణ్ కుమార్ బీఆర్ఎస్ హయాంలో కేసీఆర్ కుటుంబం చేసిన ఫోన్ ట్యాపింగ్, దౌర్జన్యాల గురించి చర్చకు మందుకొస్తారా? సొంత కుటుంబ సభ్యులను, మంత్రుల ఫోన్ ట్యాపింగ్ చేసి తమ చెప్పుచేతల్లో పెట్టుకున్న కేటీఆర్ గురించి ప్రవీణ్ కుమార్ ముందుగా మాట్లాడితే మంచిది. సొంత మంత్రులపైనే నిఘా పెట్టి బ్లాక్ మెయిలింగ్ చేసిన కేసీఆర్ కుటుంబానికి దాసోహమైన ప్రవీణ్ కుమార్, బాల్క సుమన్ లకు కాంగ్రెస్ మంత్రులపై మాట్లాడే హక్కే లేదు.
సోషల్ మీడియాలో కేసీఆర్ ప్రభుత్వం అరాచకాలను ప్రశ్నించిన వారిని వేధించిన ఘటనలను ప్రవీణ్ కుమార్ మర్చేపోయారు. గ్రేటర్ చుట్టు పక్కల కబ్జాలకు పెట్టింది పేరు కేటీఆర్ అండ్ కంపెనీ కాదా అని ప్రశ్నిస్తున్నాను. కేసీఆర్ కుటుంబ సభ్యుల బెదిరింపులకు, అరాచకాలకు బెడిరి ఎన్నో కంపెనీలు పక్క రాష్ట్రాలకు వెళ్లిన సంగతి వీరికి తెలియదా? రైతులకు బేడీలు వేసిన మీరు రైతుల గురించి మాట్లాడడం హాస్యాస్పదం.
About the Author
