గుంటూరు : టీడీపీ కార్యకర్త బి. వెంగళరావు అరెస్ట్ చేసినట్లు సీఐడీ అధికారులు ప్రకటించారు. అర్థరాత్రి సమయంలో కోదాడలో వెంగళరావు అరెస్ట్ చేశారు. వెంగళరావుపై ఐపీసీ 153ఏ, 505(2), 506, 386, 120బి సెక్షన్లతో పాటు ఐటీ చట్టం సెక్షన్ 67ఏ కింద కేసులు నమోదు చేశారు.వెంగళరావును గుంటూరు కోర్టులో హాజరు పరుస్తామని సీఐడీ అధికారులు తెలిపారు.
వెంకట్రావు ఘర్షణ మీడియా పేరుతో యూట్యూబ్ ఛానల్‌ ను నిర్వహిస్తున్నారు.ఆయన తన ఛానల్‌లో ప్రభుత్వంపై విమర్శలు చేస్తున్నారనే కారణంతో అరెస్టు చేశారని టీడీపీ నేతలు చెబుతున్నారు.నిన్న కుప్పంలో టీడీపీ అధినేత చంద్రబాబును వైసీపీ శ్రేణులు అడ్డుకున్న నేపథ్యంలో డీజీపీ కార్యాలయం వద్ద టీడీపీ కార్యకర్తల నిరసన కార్యక్రమంలో వెంగళరావు పాల్గొన్నారు. తిరిగి నెల్లూరు వెళుతున్న సమయంలో పోలీసులు అడ్డుకుని అదుపులోకి తీసుకున్నారు.
