పుష్ప అంటే ఫైరే.. ఇప్పుడంతా ఆ ఫీవరే..

రాఘవేంద్రుడి గంగోత్రిలో
జలకమాడి..
ఆర్యుడై వర్ధిల్లి..
నాటి నుంచి ఆగని
పరుగు పెడుతూ..
తనకు తాను
మెరుగు పెట్టుకుంటూ..
అ అంటే అమలాపురం
మాస్ గంతుల నుంచి
అ అనగా అల్లు వైకుంఠపురం
వరకు సాగిన
ఈ సన్నాఫ్ అరవింద్
ప్రయాణం…
భావి హీరోలకు ఒక వేదం..!

చిరును చూస్తూ పెరిగాడేమో
చిరుత వేగం..
రామలింగయ్య కామెడీ టచ్
అబ్బో..ఈ వరుడు దేశముదురు..
కిరాయికి వచ్చే
జులాయి కాదండోయ్..
కెరీర్లో యమస్పీడుగా
లగెత్తిన రేసుగుర్రం!

పుష్ప అంటే ప్లవర్ అనుకోపోయినా
ఇంత పవర్ ఉందనీ
ఊహించలేదు..
ఈ బంటు బన్నీలో..
వాల్మీకికే వెండితెరపై
వెరైటీగా రామాయణం
చూపించిన సరైనోడు..
దేవుడా..ఆంటూ
సర్వం జగన్నాథం
చేసేసిన
దువ్వాడ జగన్నాథం…
పుష్పరాజ్ గా
అందుకున్నాడు
సరికొత్త రిధం..
దునియా మొత్తం మీద
ఎక్కడ విన్నా ఇతగాడి
గురించిన టాకులే..
కాలీడ్చుకుంటూ
టిక్ టాకులే…!

ఎలిశెట్టి సురేష్ కుమార్
9948546286

Leave a Reply