(బాబు)
నిన్నటి వరకు భారతి సిమెంట్స్‌లో ఒక వెలుగు వెలిగిన గోవిందప్ప బాలాజీ గారు ఇప్పుడు వార్తల్లో హాట్ టాపిక్. ఆయన బయోడేటా చూస్తే ఎవరైనా ముక్కున వేలేసుకోవాల్సిందే!
కామర్స్‌లో డిగ్రీ, సీఏ పట్టా, ఆర్థిక, కొనుగోలు, ఐటీ రంగాల్లో ఇరవై ఏళ్ల అనుభవం – ఒక ఆర్థిక మేధావి అన్నమాట! అలాంటి వ్యక్తి వై.ఎస్. భారతి రెడ్డి గారి సారథ్యంలోని సిమెంట్ సామ్రాజ్యంలో కీలక స్థానానికి చేరుకోవడం ఆశ్చర్యం కలిగించదు.
అయితే, కథ ఇప్పుడే మొదలైంది. ఆంధ్రప్రదేశ్ లిక్కర్ స్కామ్‌లో బాలాజీ గారి పేరు ప్రముఖంగా వినిపిస్తోంది. స్పెషల్ ఇన్వెస్టిగేషన్ టీమ్ (SIT) దర్యాప్తులో ఆయన ఒక ముఖ్యమైన ‘సూత్రధారి’గా తేలారు. అధికారంలో ఉన్నప్పుడు లిక్కర్ ముడుపులు చేరవేయడంలో ఆయన కీలక పాత్ర పోషించారట.
రాజ కసిరెడ్డి రిమాండ్ రిపోర్టు ఈ విషయాన్ని బల్లగుద్ది చెబుతోంది. అంతేకాదు, బాలాజీ గారు సాక్షాత్తూ వై.ఎస్. జగన్ గారి భార్య అయిన భారతి గారి ఆర్థిక వ్యవహారాలు చూసుకునేవారని, ఈ లిక్కర్ స్కామ్ యొక్క ‘బ్లూప్రింట్’ తయారు చేయడంలో ఆయన సహాయం చేశారని SIT అనుమానిస్తోంది.
నిన్న, ఏప్రిల్ 23, 2025న SIT అధికారులు బాలాజీ గారిని లాగేశారు. ఒకప్పుడు బ్యాలెన్స్ షీట్లు బ్యాలెన్స్ చేసిన ఆయన ఇప్పుడు పోలీసుల ‘బ్యాలెన్స్’లో ఉన్నారు. ఇక్కడ అసలు విషయం ఏమిటంటే, భారతి గారు తన ఆర్థిక సామ్రాజ్యాన్ని కాపాడుకోవడానికి బాలాజీ గారి లాంటి ఒక నిష్ణాతుడిని చాలా వ్యూహాత్మకంగా ఉపయోగించుకున్నారు.
ఆమె బహుశా అనుకున్నారేమో, ‘ఈయన ఉంటే నా ఆర్థిక వ్యవహారాలన్నీ రహస్యంగా, సక్రమంగా సాగిపోతాయి’ అని. కానీ, ఆమె ‘నమ్మకం’ బెడిసి కొట్టింది. ఇప్పుడు ఆ నమ్మకమే బాలాజీ గారికి ‘ఉరితాడై’ మెడకు చుట్టుకుంది. స్వార్థం ఎంతటి వారినైనా ఎలా వాడుకుంటుందో చూడటానికి ఇది ఒక గుణ పాఠం.
చూస్తుంటే, ఈ లిక్కర్ దందా చాలా మంది జీవితాల్లో ‘మత్తు’ వదిలించింది. ఒకవైపు అధికారం, డబ్బు మదంతో కొందరు ఆడితే, దాని ఫలితం అనుభవించేది మాత్రం బాలాజీ గారి లాంటి ‘పావు’లేమో అనిపిస్తోంది.
బహుశా ఆయన జైలు నుంచి విడుదలయ్యాక ‘నేను, ఆంధ్రప్రదేశ్ లిక్కర్ స్కామ్ మరియు మా బాస్ బేబక్క’ అనే పేరుతో ఒక సంచలన పుస్తకం రాసినా ఆశ్చర్యం లేదు!
బేబక్క మావ హయాం స్కాముల్లో పెనిమిటి జగన్ ఏ1, ఆయన ఆడిటర్ విజయసాయిరెడ్డి ఏ2. జగన్ హయాంలో బేబక్క ఆడిటర్ కు నంబర్ వచ్చింది. ఈ గోవిందప్ప బాలాజీ కలబురుగి సిమెంట్స్, అందులో డైరెక్టర్లు పట్టుకొని వెళితే గుల్బర్గా సిమెంట్స్, అందులో డైరెక్టర్లను పట్టుకొని వెళితే తిరిగి భారతి సిమెంట్స్ లో తేలుతున్నారు.
రాజారెడ్డి హయాం నుండి ఆడిటర్ గా వున్న విజయసాయిరెడ్డిని అధికారంలోకి వచ్చాక కూడా బాగా వాడి అవమానిస్తూ ప్రక్కనబెట్టారు. ఆయన తనను, కూతురి బావను కాపాడుకోడానికి ఈ స్కామును నిర్థారిస్తూ.. కొంత ఉప్పందించి తన తప్పేమీలేనట్లు తెలివిగా పైనున్న బాసులు ఎవరో తెలియదని తగిలించాడు.
బేబక్క బెదురుతూ.. చాలా డైవర్షన్ స్క్రోలింగులు వేయించింది కసిరెడ్డి అరెస్ట్ అవ్వంగానే. ఇప్పుడు ఏకంగా తన డైరెక్టర్ అరెస్ట్ అయితే ఎంత బరస్ట్ అయ్యి ఎంత వరెస్టు డైవర్షన్ కోసం ఆదేశాలు ఇస్తుందో.
భారతీ బ్రాండ్స్ లిక్కర్ పాపంతో లక్షలాదిమంది అనారోగ్యాలకు గురయ్యారు , అత్యధిక రేట్లతో జనం జేబులు ఖాళీ చేయించి తమ ఆస్తులను పెంచుకున్నారు. ఆ పాపం పండింది.
