– గేటు బయట చెప్పులు. నించోబెట్టి నవ్వుతూ మాటలు
– దళితులకు అవమానం
(బి.కృష్ణ)
అమరావతి: ముఖ్యమంత్రి వై.ఎస్. జగన్మోహన్ రెడ్డి తన నివాసంలో ఒక దళిత కుటుంబాన్ని పరామర్శించిన తీరు ప్రస్తుతం రాష్ట్రవ్యాప్తంగా తీవ్ర చర్చనీయాంశంగా మారింది. జగన్ కారు ప్రమాదంలో మరణించిన సింగయ్య కుటుంబానికి చెందిన సభ్యులను, పరామర్శ నిమిత్తం తన ఇంటికి పిలిపించుకున్న జగన్, వారికి కనీస మర్యాద కూడా దక్కకుండా చేశారని తీవ్ర ఆరోపణలు వెల్లువెత్తుతున్నాయి.
గేటు బయటే చెప్పులు విడిచి రావాలని ఆదేశం:
వివరాల్లోకి వెళ్తే, పరామర్శకు వచ్చిన సింగయ్య కుటుంబ సభ్యులను ముఖ్యమంత్రి నివాసం వద్ద ఉన్న కార్యాలయం లోపలికి వెళ్లేముందు, గేటు బయటే చెప్పులు విడిచి రావాలని జగన్ మనుషులు ఆదేశించినట్లు సమాచారం.
ఇది దళితుల పట్ల వివక్షకు, అవమానానికి పరాకాష్ట అని పలువురు ఆగ్రహం వ్యక్తం చేస్తున్నారు. ఒక ముఖ్యమంత్రి తన ఇంటికి పరామర్శ కోసం పిలిపించుకుని, ఇలాంటి ఆదేశాలు ఇవ్వడం సమాజంలో దళితుల పట్ల ఉన్న అగౌరవాన్ని స్పష్టం చేస్తుందని విశ్లేషకులు అభిప్రాయపడుతున్నారు.
కూర్చోబెట్టకుండానే సంభాషణ:
ఇది మాత్రమే కాదు, పరామర్శకు పిలిచిన సింగయ్య భార్యను, వారి కుటుంబాన్ని కనీసం కూర్చోబెట్టి మాట్లాడలేదని, మరణించిన వ్యక్తి కుటుంబ సభ్యులను ఇంటికి పిలిపించుకుని, వారికి కనీసం కూర్చోవడానికి కూడా అవకాశం కల్పించకుండా నిలబెట్టే మాట్లాడటం, ఆది కూడా మానవత్వం లేకుండా, తన కారు కింద పడ్డరని బాధ లేకుండా, నవ్వుతూ. జగన్ వారితో మాట్లాడటం సింగయ్య కుటుంబానికి మరింత బాధను కలిగించిందని పలువురు పేర్కొంటున్నారు.
ఈ సంఘటన రాష్ట్రంలో దళితుల పట్ల ప్రభుత్వ పెద్దల వైఖరిపై తీవ్ర చర్చకు దారితీసింది. దళితులను గౌరవించకుండా, వారికి కనీస మర్యాద కూడా ఇవ్వకుండా ఇలా అవమానించడం ఎంతవరకు సమంజసమని ప్రశ్నలు తలెత్తుతున్నాయి.
ఈ విషయంలో ముఖ్యమంత్రి జగన్మోహన్ రెడ్డి స్పందించి, తగిన వివరణ ఇవ్వాలని, భవిష్యత్తులో ఇలాంటి సంఘటనలు పునరావృతం కాకుండా చర్యలు తీసుకోవాలని ప్రజలు, దళిత సంఘాలు డిమాండ్ చేస్తున్నాయి. ఈ ఘటన సామాజిక న్యాయం, సమానత్వం వంటి రాజ్యాంగ విలువలకు విరుద్ధమని పలువురు అభిప్రాయపడుతున్నారు.
