గుడివాడలో మంత్రి కొడాలి క్యాసినో పై ప్రశ్నిస్తే మా నేతలను అరెస్టు చేస్తారా అంటూ చంద్రబాబు అగ్రహం వ్యక్తం చేశారు. పోలీసుల చర్య దుర్మార్గంగా ఉందన్నారు. క్యాసినోపై వాస్తవాలు వెల్లడించలేని పోలీసులు టిడిపి నేతలను అరెస్టు చెయ్యడం దారుణమని చంద్రబాబు అన్నారు. ప్రభుత్వ చర్యలతో వారి తడబాటు స్పష్టంగా కనిపిస్తుందని…..గుడివాడలో ఏమీ జరగకపోతే ప్రభుత్వం, పోలీసులు ఎందుకు సమాధానం చెప్పలేకపోతున్నారని ప్రశ్నించారు. మాపై దాడి చేసిన వారిని వదిలేసి….నిలదీసిన ప్రతిపక్ష నేతలను అరెస్టు చెయ్యడం సిగ్గుమాలిన చర్య అని చంద్రబాబు అన్నారు. బుద్దా వెంకన్న పై పెట్టిన కేసు పూర్తిగా కుట్రపూరితం…బుద్దా వెంకన్నను వెంటనే విడుదల చెయ్యాలని డిమాండ్ చేశారు. తప్పు చేసిన పోలీసులు భవిష్యత్ తో విచారణ ఎదుర్కోక తప్పదని చంద్రబాబు అన్నారు.
