అనంతపురం జిల్లా బొమ్మనహాల్ మండలం దుర్గాహోన్నూరులో వ్యవసాయ కూలీలపై విద్యుత్ తీగలు తెగిపడి నలుగురు వ్యవసాయ కూలీలు మృతి చెందడం అత్యంత విషాదకరం. విద్యుత్ తీగలు తెగిపడటం వారం రోజుల్లో ఇది రెండోసారి. మొన్న ఒక్కరోజే ఈ తరహా ప్రమాదంలో ఐదుగురు చనిపోయారు. వరుస ప్రమాదాలు ఎందుకు జరుగుతున్నాయి? విద్యుత్ శాఖ పర్యవేక్షణ ఏమయ్యింది…నిర్వహణ ఎందుకు అటకెక్కింది? ప్రజలు పిట్టల్లా రాలిపోతుంటే ఈ ప్రభుత్వానికి పట్టదా? ప్రమాద ఘటనలపై సమగ్ర విచారణ జరపాలి. ప్రమాదంలో గాయపడి చికిత్స పొందుతున్న వారికి మెరుగైన వైద్యం అందించాలి. మృతుల కుటుంబాలకు ప్రభుత్వం పరిహారం చెల్లించాలి.
అనంతపురం జిల్లాలో విద్యుత్ ప్రమాదంపై టీడీపీ అధినేత చంద్రబాబు దిగ్భ్రాంతి
