ఈ ఫోటో లో కనిపిస్తున్న వ్యక్తి పేరు కోటేశ్వరరావు, పిడుగురాళ్ల పట్టణంలో మిలటరీ కాలనీలో ఉన్న మండల పరిషత్ ప్రాథమిక పాఠశాల హెడ్ మాస్టర్.
నిన్న ఆయన ఈ పాంప్లేట్ లు పట్టుకొని ఇల్లిల్లూ తిరుగుతూ మీ పిల్లలను మా పాఠశాలలో చేర్చితే యూనిఫారం, పుస్తకాలు, బ్యాగ్ లు అన్నీ ఉచితంగా ఇవ్వడంతో పాటు.. ప్రత్యేకంగా పిల్లలకు హ్యాండ్ రైటింగ్, స్పోకెన్ ఇంగ్లీష్, నవోదయ కోచింగ్, రీజనింగ్.. లాంటివన్నీ చేయిస్తాము.
“మీ పిల్లలు బాగా చదివేలా ప్రోత్సాహం అందించి వారిని తీర్చి దిద్దే బాధ్యత నాది” అంటూ ప్రతి ఇంటికి తిరిగి ఆయన చెప్తుంటే నిజంగా చాలా ముచ్చటేసింది.
ప్రభుత్వ ఉపాధ్యాయులు అంటే ఇలా ఉండాలి అనిపించింది.
ప్రైవేటు పాఠశాలలకు ధీటుగా ప్రచారం.. అది కూడా హెడ్ మాస్టర్ అయి ఉండి ప్రతి ఇల్లు తిరిగి ఓపికగా చెప్పటం ఆదర్శనీయం.
ఇటువంటి కోటేశ్వరరావులు ఊరికి ఒకరు ఉంటే చాలు… ప్రభుత్వ పాఠశాలలు కళకళ లాడుతాయి.నిజమేకదా! ప్రభుత్వ పాఠశాలల్ని కాపాడుకోవడం మనందరి బాధ్యతేనని గుర్తిస్తే మంచిది.
– వెలిశెట్టి నారాయణరావు
విశ్రాంత సాంఘీకశాస్త్ర ఉపాధ్యాయుడు
ఆత్మకూరు పట్టణం, నెల్లూరు జిల్లా
