-నారా లోకేష్ సమక్షంలో టిడిపిలో చేరిన సీపీఎంకి చెందిన మాజీ సర్పంచ్ బుయ్యాల కోటేశ్వరరావు
రాష్ట్రవ్యాప్తంగా వివిధ పార్టీల నుంచి తెలుగుదేశం పార్టీలో చేరికలు జోరందుకున్నాయి. తెలుగుదేశం పార్టీ పట్ల రోజు రోజుకీ పెరుగుతున్న ప్రజాదరణకి ఈ చేరికలు నిదర్శనం. మంగళగిరి నియోజకవర్గంలో ప్రజలతో నారా లోకేష్ మమేకమవుతున్న తీరు, సమస్యల పరిష్కారానికి చూపుతున్న చొరవతో అందరి చూపు తెలుగుదేశం వైపే. వైసీపీ నుంచే కాకుండా ఇతర పార్టీ నేతలు కూడా టిడిపిలో చేరుతున్నారు. ఉండవల్లి నివాసంలో శుక్రవారం నారా లోకేష్ సమక్షంలో తాడేపల్లి టౌన్ 6వ వార్డు సీపీఎం నాయకుడు, మాజీ సర్పంచ్ బుయ్యాల కోటేశ్వరరావు ఆధ్వర్యంలో పలువురు టిడిపిలో చేరారు. మహిళలు, యువతకి పసుపు కండువాలు వేసి సాదరంగా పార్టీలోకి లోకేష్ ఆహ్వానించారు. ఈ కార్యక్రమంలో తాడేపల్లి టౌన్ టిడిపి నాయకులు పాల్గొన్నారు.
