– తక్షణం ఎక్సైజ్ ‘బెల్ట్’ తొలగించాలి
– ఎమ్మెల్యే కోలికపూడి తనిఖీలు
తిరువూరు : తిరువూరులో మద్యం దుకాణాలను ఎమ్మెల్యే కోలికపూడి శ్రీనివాసరావు బంద్ చేయించారు. వైన్స్ షాపుల ప్రక్కన ఏర్పాటు చేసిన(బెల్ట్) దుకాణాలపై ఎమ్మెల్యే దాడులు చేశారు. తిరువూరు నియోజకవర్గంలో ఉన్న బెల్ట్ షాపులను ఎక్సైజ్ శాఖ అధికారులు 24 గంటల్లో తొలగించాలి. తిరువూరు మండలంలో 43, నియోజకవర్గ పరిధిలో ఉన్న సుమారు 130 పైగా బెల్ట్ షాపులు పూర్తిగా తొలగించాలి.
బెల్ట్ షాపులకు మద్యం సరఫరా చేసే దుకాణాల లైసెన్స్ లను రద్దు చేయాలని ఎమ్మెల్యే ఆదేశాలు జారీ చేశారు. నిబంధనలకు విరుద్ధంగా పాఠశాలలు, గృహాలు, బస్టాపుల సమీపాల్లో ఉన్న నాలుగు మద్యం షాపులను ఎమ్మెల్యే మూయించారు. పట్టణంలో మద్యం వికయిస్తున్న బెల్ట్ షాపులను తనిఖీ చేసి, పోలీసులకు పట్టించారు. పట్టణంలో ఉన్న నాలుగు మద్యం దుకాణాల్ని పట్టణ శివారుకు తరలించాలని డిమాండ్ చేశారు.
