– ఆలయ నిర్మాణ పనులు పరిశీలించిన మంత్రి సురేఖ, కమిషనర్ శైలజా రామయ్యర్
హైదరాబాద్: సికింద్రాబాద్ శ్రీనివాసనగర్ కాలనీలోని అత్యంత పురాతనమైన శ్రీ ప్రసన్నవేంకటేశ్వరస్వామి ఆలయాన్ని దర్శించిన తెలంగాణ దేవదాయ శాఖ మంత్రి కొండా సురేఖ, కమిషనర్ శైలజా రామయ్యర్కు అర్చకులు పూర్ణకుంభంతో స్వాగతం పలికారు. అనంతరం వారు శ్రీ ప్రసన్న వేంకటేశ్వరస్వామికి ప్రత్యేక పూజలు నిర్వహించారు. ఈ సందర్భంగా ఆలయంలో జరుగుతున్న పనులను పరిశీలించి, ఆలయ మహత్యం తెలుసుకున్నారు. కంచి పీఠాథిపతి మార్గదర్శకత్వంలో జరుగుతున్న జీర్ణోద్ధరణ పనులను అధికారులు మంత్రికి వివరించారు. కంచి పరమాచార్య ఏడు దశాబ్దాల క్రితం స్వయంగా శ్రీశైలం నుంచి పాదయాత్ర చేసి, ఈ ఆలయాన్నికి ప్రతిష్ఠ చేశారని మంత్రికి వివరించారు. ఈ సందర్భంగా మంత్రి సురేఖ మాట్లాడుతూ, దేవాలయ అభివృద్ధికి తన స్థాయిలో సహకరిస్తానని హామీ ఇచ్చారు. ఆలయ నిర్మాణం, విగ్రహాలు రూపొందించిన శిల్పులను ఆమె అభినందించారు. తొలుత మంత్రి కొండా సురేఖకు ఆలయ ధర్మకర్తలు, దేవదాయశాఖ అధికారులు స్వాగతం పలికారు.
About the Author
