– రేవంత్ రెడ్డి బుద్ది మాత్రం పెరగలేదు
– తెలంగాణ సమాజమంతా రేవంత్ రెడ్డిని ఛీ కొడుతున్నది
– ముఖ్యమంత్రి రేవంత్ రెడ్డి వ్యాఖ్యలపై మాజీ మంత్రి హరీష్ రావు ధ్వజం
హైదరాబాద్: ముఖ్యమంత్రి పీఠం దక్కినా.. రేవంత్ రెడ్డి బుద్ది మాత్రం పెరగలేదు. పని చేతగాక.. పనికిమాలిన మాటలు మాట్లాడుతున్నడు. తెలంగాణ సమాజంలో జీవించే హక్కు కేసీఆర్ కు లేదని రేవంత్ అంటున్నడు. ఎవరికి సమాజంలో జీవించే హక్కులేదో ప్రజలను అడుగుదమా?
నీ నియోజక వర్గం కొడంగల్ లేకా నీ సొంతూరు కొండారెడ్డి పల్లిలో అడుగుదమా? రేవంత్ రెడ్డి నీకు వచ్చే దమ్ముందా? తెలంగాణ సమాజమంతా రేవంత్ రెడ్డిని ఛీ కొడుతున్నది. దుమ్మెత్తి పోస్తున్నది. ఎలుక తోలు తొచ్చి ఎన్నాళ్ళు ఉతికినా నలుపు నలుపే కానీ తెలుపు కాదు అనే సామెత ను అక్షరాల చాటుకుని రేవంత్ రెడ్డి తన దిగజారుడుతానాన్ని మరోమారు ప్రదర్శించారు.
సీఎం పదవి లో ఉంటూ చిచోరా భాష మాట్లాడుతున్న రేవంత్ రెడ్డి ని తెలంగాణ ప్రజలు ఛీ కొడుతున్నారు. రాహుల్ గాంధీ మీద నీకున్న కోపాన్ని కేసీఆర్ మీద చూపిస్తే ఎట్లా రేవంత్ము ఖ్యమంత్రిగా ఎవ్వరూ గుర్తించడం లేదని ఉనికి చాటుకోవడానికి కేసీఆర్ పై ప్రేలాపనలా? కేసీఆర్ ను తిడితే ఒక్క రోజు హెడ్ లైన్స్ లో ఉంటావేమో ? కానీ తెలంగాణ చరిత్ర గతిని మార్చిన కెసీఆర్ స్థానమే ప్రజల హ్రదయాల్లో పదిలం అని తెలుసుకో.
రేవంత్ రెడ్డి ఇదే భాషను కొనసాగించాలనుకుంటే ఆయన జనజీవన స్రవంతి లో ఉండటానికి అర్హుడు కాడు. తెలంగాణని ఆవిష్కరించిన కెసిఆర్ ను బహిష్కరిస్తావా? సూర్యుడి మీద ఉమ్మేస్తే ఏమవుతుందో తెలుసు కదా? మా బహిష్కరణ నీ వల్ల కాదు గాని, నీ నిష్క్రమణకు సమయం దగ్గర పడుతున్నది.
సామాజిక బహిష్కరణ చేయాల్సివస్తే ప్రజలను పట్టపగలు మోసం చేస్తున్న నిన్ను చేయాలి రేవంత్. నాడైనా నేడైనా తెలంగాణ ద్రోహుల భాషే రేవంత్ భాష .అందుకే తెలంగాణ తెచ్చిన కేసీఆర్ ను పెద్ద చిన్న అనే గౌరవం లేకుండా దుర్భాషలాడుతున్నారు. సీఎం లేకి తనాన్ని ,చిల్లర మనస్తత్వాన్ని తెలంగాణ సమాజం ఇప్పటికే అర్థం చేసుకుంది. ప్రజాస్వామ్య పంథా లోనే ప్రజలు రేవంత్ కు దిమ్మదిరిగే సమాధానం ఇస్తరు. కులగణన పేరు మీద కుటిల రాజకీయం చేస్తే తగిన మూల్యం చెల్లించుకోక తప్పదు.
నీ సర్వే సరైంది కాదని, నీ పార్టీ నాయకులే తూర్పార పడుతున్నారు. నువ్వు కులగణన చేయలేదు.. గాడిద గుడ్డు చేయలేదని నీ పార్టీ ఎమ్మెల్సీనే అంటున్నడు . సిగ్గులేకుండా నువ్వు మా గురించి మాట్లాడుతున్నావు. నువ్వు నిజంగా సత్తా ఉన్న నాయకుడు అయితే ముందు మీ పార్టీలో ఉన్న నాయకులు అందర్నీ ఒప్పించు. కుల సర్వేలో ఖచ్చితమైన గణాంకాలు వచ్చాయని చెప్పించు.
నీ కుల సర్వే ఉత్త ఎన్నికల గిమ్మిక్కే. ఫెయిల్యూర్ మ్యాజిక్కే. ఒకవైపు నీ సర్వే కరెక్ట్ అంటావు మరోవైపు రీసర్వే అంటావు. మీ ధమాకు కరాబ్ అయింది అనడానికి ఇంతకంటే నిదర్శనం ఏముంటది? సీఎం పదవి స్థాయిని నీ చిల్లర మాటలతో దిగజార్చకు. ప్రశాంత తెలంగాణ లో ఫ్యాక్షన్ వాతావరణాన్ని సృష్టించే నీ ప్రయత్నాలు ఎప్పటికీ సఫలం కావు. నోరు మంచిదైతే ఊరు మంచిదవుతుంది. నీ నోరే నీ రాజకీయ జీవితానికి ఉరిగా మారబోతుంది.
