– సల్మాన్ ఖాన్, సంజయ్ దత్ అరెస్టవలేదా?
– అర్జున్ కు పిల్లనిచ్చిన మామ చంద్రశేఖర్ రెడ్డి కాంగ్రెస్ నేత నాకు బంధువు.
– అల్లు అర్జున్ భార్య మాకు బంధువు
– ఫిలిం స్టార్లు, పొలిటికల్ స్టార్ల కోసం ప్రత్యేకంగా ఏముండదు
– వాళ్లు ప్రత్యేకంగా దేశం కోసం చేసింది ఏం లేదు
– సినిమా కోసం పైసలు పెట్టారు పైసలు సంపాదించారు
– మేము కేసు పెట్టకపోతే, పెట్టలేదని మమ్మల్ని అడగరా?
-ఆజ్ తక్ ఇంటర్వ్యూలో అల్లు అర్జున్ అరెస్ట్ పై తెలంగాణ ముఖ్యమంత్రి రేవంత్ రెడ్డి
సంధ్య థియేటర్ ఘటనకు సంబంధించి హీరో అల్లు అర్జున్ అరెస్టుపై తెలంగాణ సీఎం రేవంత్‌రెడ్డి ఢిల్లీలో సూటిగా, నిర్మొహమాటంగా స్పందించారు. అల్లు అర్జున్ మామ తనకు బంధువేనన్నారు. ‘‘తప్పు చేసిన వారిని అరెస్టు చేయవద్దా? సినిమా వాళ్లకు, రాజకీయ నాయకులకు ప్రత్యేక చట్టాలుండవు. అయనా వాళ్లు ప్రత్యేకంగా దేశానికి చేసిందేమీ లేదు. సినిమా కోసం డబ్బులు పెట్టారు. మళ్లీ డబ్బులు సంపాదించుకున్నార’’ంటూ నిర్మొహమాటంగా, నిజాయితీగా మాట్లాడిన సీఎం రేవంత్.. ఆజ్‌తక్ ఇంటర్వ్యూలో ఇంకా ఏమన్నారంటే..
రేవంత్ బన్నీ అరెస్టుపై ఢిల్లీలో ఇండియా టుడే సదస్సులో CM రేవంత్ స్పందించారు. భారతదేశంలో సల్మాన్ ఖాన్ సంజయ్ దత్ లు ఎందుకు అరెస్ట్ అయ్యారు. దేశంలో అంబేద్కర్ రచించిన రాజ్యాంగం ఉంది. దానికి అనుగుణంగానే చట్టం పనిచేస్తుంది. అల్లు అర్జున్ అరెస్టు చేశామంటున్నారు.. అక్కడ మహిళ చనిపోయింది. ఆమె కొడుకు ఇంకా జీవన్మరణ సమస్యతో బాధపడుతున్నాడు.ఘటనపై క్రిమినల్ కేసు బుక్ అయింది.
పది రోజుల తర్వాత పోలీసులు అల్లు అర్జున్ ఇంటికి వెళ్లారు.
జనం ప్రాణం పోయింది అయినా కేసు పెట్టొద్దా? ఫిలిం స్టార్లు, పొలిటికల్ స్టార్ల కోసం ప్రత్యేకంగా ఏముండదు. కారులో వచ్చి సినిమా చూసి వెళ్తే ఎటువంటి సమస్య ఉండకపోయేది. కానీ కారులోంచి బయటికి వచ్చి చేతులుపి హడావిడి చేశారు. దాంతో జనం పెద్ద ఎత్తున ఎగబడ్డారు కంట్రోల్ కాలేదు. అందుకే అల్లు అర్జున్ ను ఈ కేసులో A- 11 గా
పోలీసులు పెట్టారు.
అక్కడ మహిళ ప్రాణం పోయింది ఎవరు బాధ్యులు? నాకు చిన్నప్పటినుంచి అల్లు అర్జున్ తెలుసు. అతనికి నేను తెలుసు. అల్లు అర్జున్ మామ చిరంజీవి కాంగ్రెస్ నేత. అల్లు అర్జున్ కు పిల్లనిచ్చిన మామ చంద్రశేఖర్ రెడ్డి కాంగ్రెస్ నేత నాకు బంధువు. అల్లు అర్జున్ భార్య మాకు బంధువు.
హోం శాఖ నా వద్ద ఉంది, ఈ కేసుకు సంబంధించినటువంటి రిపోర్ట్ నాకు తెలుసు. చనిపోయిన మహిళ కొడుకు ఇంకా కోమాలో ఉన్నాడు. సినిమా కోసం పైసలు పెట్టారు పైసలు సంపాదించారు. వాళ్లు ప్రత్యేకంగా దేశం కోసం చేసింది ఏం లేదు. నా ఫేవరెట్ హీరో కృష్ణ.. ఆయన ఇప్పుడు లేరు ఇప్పుడు నేనే స్టార్ను. నాకే ఫాన్స్ ఉంటారు. ఉండాలి కూడా. కేసు పెట్టకపోతే మమ్మల్ని అడగరా?.
‘ఈ దేశంలో సల్మాన్ ఖాన్, సంజయ్ దత్ అరెస్టవలేదా? పుష్ప 2 బెనిఫిట్ షోకు మేమే పర్మిషన్ ఇచ్చాం. సరైన ఏర్పాట్లు లేకుండా ఆయనే థియేటర్ కు వచ్చాడు. కారెక్కి నమస్కారం చేస్తూ ర్యాలీ చేశారు. ఒక మహిళ చనిపోయింది. ఓ బాబు చావు బతుకుల్లో ఉన్నాడు. దీనిపై మేము కేసు పెట్టకపోతే, పెట్టలేదని మమ్మల్ని అడగరా?’ అని ముఖ్యమంత్రి ప్రశ్నించారు.
