-శంకరమ్మకు రాజ్యసభ సీటు ఇవ్వమని అడగండి
-ఫ్లోర్ లీడర్ గా దళితుడు కడియంకు ఇవ్వండి
-వర్కింగ్ ప్రెసిడెంట్ గా ఒక బీసీ కి ఇవ్వండి
-నీకు, మీ ఫ్యామిలీకి ఇంకా పబ్లిసిటీ పిచ్చి ఎందుకు?
-మీరు తప్ప మాట్లాడే వాళ్ళు మీ పార్టీలో లేరా ?
-మాజీ ఎమ్మెల్యే రఘునందన్ రావు
అధికారంలో ఉన్నప్పుడు బీఆర్ఎస్ కు బడుగులు, బలహీనులు, దళితులు గుర్తుకు రాలేదు. కవితను పూలే ఇప్పుడు గుర్తుకు వచ్చాడా? బీసీలను ఇన్నిరోజులు ఎందుకు పట్టించుకోలేదు?
కవితను ఒక విషయంపై ప్రశ్నిస్తున్నా. మనకు ఒక ఎంపీ సీటు వస్తుంది అని ఫామ్ హౌజ్ కి వెళ్లి మీ నాన్నకు చెప్పు. శంకరమ్మకు రాజ్యసభ సీటు ఇవ్వమని అడగండి. సీట్లు ఎవరెవరికి అమ్ముకున్నారో అందరికీ తెలుసు. మీ నాన్న ఆరోగ్యం ఎలాగూ బాగోలేదు కదా.. కాబట్టి ఫ్లోర్ లీడర్ గా సీనియర్ అయిన, దళితుడు అయిన కడియం కు ఇవ్వండి. మీ అన్న వర్కింగ్ ప్రెసిడెంట్ ఎలాగూ రాజ్యాలు విస్తరించుకునే పనిలో ఉన్నాడు.ఆయనకు సినిమా వాళ్ళతో పనులుంటాయి. కాబట్టి పార్టీ వర్కింగ్ ప్రెసిడెంట్ గా ఒక బీసీ కి ఇవ్వండి.
శంకరమ్మకు రాజ్యసభ సీటు ఇచ్చి మీ పాపాలు కడుక్కోండి. నీకు, మీ ఫ్యామిలీకి ఇంకా పబ్లిసిటీ పిచ్చి ఎందుకు? శాసనసభలో మీ అన్న, మీ బావ కనపడాలి.. తెలంగాణ భవన్ లో మీ తండ్రి కనపడాలి.. మండలిలో నువ్వు కనిపిస్తావు. మీరు తప్ప మాట్లాడే వాళ్ళు మీ పార్టీలో లేరా? మీ అయ్య కాళ్ళు మొక్కుతావో.. ఏం చేస్తావో తెలియదు కానీ.. కొద్దిరోజులు మీరు, మీ కుటుంబ సభ్యులు మాట్లాడకుండా, మీడియా ముందుకు రాకుండా ఉంటే మీకే మంచిది
చెల్లి.. నువు ఉన్నా లేకున్నా పూలే గుర్తుంటారు.. మీరు కొత్తగా ఏం చేయాల్సిన అవసరం లేదు. మీ పార్టీ పేరులో ఎలాగూ తెలంగాణ పోయింది. కనీసం సీట్లు అయినా తెలంగాణ కోసం కొట్లాడిన వారికి ఇవ్వండి.
