యూపీఐ ద్వారా ట్యాక్స్ చెల్లింపు పరిమితి రూ. 5 లక్షలకు పెంపు
ముంబయి, ఆగస్టు 8: రిజర్వ్ బ్యాంక్ ఆఫ్ ఇండియా (ఆర్బీఐ) యూపీఐ (యూనిఫైడ్ పేమెంట్స్ ఇంటర్‌ఫేస్) ట్యాక్స్ చెల్లింపుల పరిమితిని భారీగా పెంచింది. ఇంతకు ముందు రూ. 1 లక్షగా ఉన్న ఈ లిమిట్‌ను ఇప్పుడు ఒక్కో ట్రాన్సాక్షన్‌కు రూ. 5 లక్షలకు పెంచుతున్నట్లు ఆర్బీఐ తాజాగా ప్రకటించింది.
ఈ నిర్ణయంతో పెద్ద మొత్తంలో ట్యాక్స్ చెల్లించేవారికి ఉత్సాహం కలిగే అవకాశం ఉంది. వారు ఇకపై ఏ విధమైన ఇబ్బందులు లేకుండా యూపీఐ ద్వారా రూ. 5 లక్షల వరకు ట్యాక్స్ పేమెంట్స్ సులభంగా చేసుకోవచ్చని ఆర్బీఐ తెలిపింది.
ఇంకా, యూపీఐ ద్వారా చేసే చెల్లింపులపై ఎలాంటి అదనపు ఛార్జీలు ఉండవు. అయితే, డెబిట్ కార్డులు లేదా క్రెడిట్ కార్డులతో పేమెంట్స్ చేసినప్పుడు మాత్రం చార్జీలు విధించబడతాయి.
ఆర్బీఐ ఈ మార్పు వలన భారీ మొత్తాల చెల్లింపులను సులభతరం చేయడంతో పాటు, యూపీఐ వినియోగం మరింత పెరిగే అవకాశం ఉంది.
