– “బూతుల పార్టీ.. రౌడీల సేన” అంటే ఉలుకెందుకు..?
– టీడీపీ నేతలది సైకో భాష.. సైకో వేషాలు
– 2019 ఎన్నికల్లో మీ బట్టలు ఊడదీసిస్తే.. ప్రజల బట్టలూడదీస్తానని బెదిరిస్తావా..?
– అధికారం లేక మీరు నాశనమైతే.. రాష్ట్రం నాశనమైందని అంటావా?
– మిమ్మల్ని చిత్తూగా ఓడించినా.. ఇంకా ఈ ఖర్మ ఏంట్రా బాబూ..!
– ఈ రాష్ట్రానికి కలకాలం జగన్ గారే సీఎంగా ఉండాలన్నది ప్రజల కోరిక
– గడపగడపకూ సంక్షేమం-అభివృద్ధి అందిస్తుంటే వ్యతిరేక ఓటు ఎందుకుంటుంది?
– మంత్రి జోగి రమేష్
తెలుగుదేశం పార్టీని తెలుగు బూతుల పార్టీగా… జనసేనను రౌడీసేనగా ముఖ్యమంత్రి గారు చెబితే ఎందుకు ఉలికిపడుతున్నారని రాష్ట్ర గృహనిర్మాణ శాఖామంత్రి జోగి రమేష్ ప్రశ్నించారు. వృద్ధసైకో చంద్రబాబు అండ్‌ కో..కు 2024 ఎన్నికల్లో ప్రజలు గట్టి బుద్ధిచెప్పేందుకు సిద్ధంగా ఉన్నారని చెప్పారు. పిల్లసైకో లోకేష్, ప్యాకేజీ సైకో పవన్‌కళ్యాణ్‌ లకు ముఖ్యమంత్రి వైఎస్‌ జగన్‌మోహన్‌రెడ్డిపై విమర్శలు చేసేంత స్థాయి లేదన్నారు. మంచిమనసుతో పరిపాలన చేస్తూ రాష్ట్రాన్ని సుభిక్షంగా నడిపిస్తున్న సమర్ధ ముఖ్యమంత్రిని తూలనాడితే.. క్షేత్రస్థాయిలో ప్రజాగ్రహానికి గురికాకతప్పదని మంత్రి జోగి రమేష్ హెచ్చరించారు.ప్రెస్‌మీట్‌లో మంత్రి జోగి రమేష్ ఇంకా ఏమన్నారంటే..
సీఎం గారి మాటలకు టీడీపీ, జనసేన పార్టీలకు చెందిన పత్తిత్తులంతా మీడియా ముందుకొచ్చి తెగరెచ్చిపోతున్నారు. అధికార దాహంతో వృద్ధసైకో చంద్రబాబు ఇటీవల కర్నూలులో ఏవిధంగా మాట్లాడాడో.. ఉత్తరాంధ్రలో అచ్చోసిన నికృష్టుడైన మరో వెధవ అయ్యన్న, అంబోతు అచ్చన్న.. పప్పు పిల్లసైకో లోకేష్.. ప్యాకేజీ సైకో పవన్‌కళ్యాణ్‌ .. ఇలా ఆ రెండు పార్టీల నేతల బూతు పురాణాల వీడియో క్లిప్పింగ్‌లను మంత్రి శ్రీ జోగి రమేష్ మీడియా ముందు ప్రదర్శించారు.
తెలుగు దొంగల పార్టీ కాదా..?
తెలుగు దొంగల పార్టీ అనగానే భుజాలు తడముకునే టీడీపీ పత్తిత్తులు.. పావనులు.. నోట్లో వేళ్లు పెడితే కొరకలేని బ్యాచ్‌ ఆ పార్టీ అధినేత చంద్రబాబును ఒక ప్రశ్న అడగాలి. అన్నంపెట్టిన అమ్మను కొట్టి.. పిల్లనిచ్చిన మామపై చెప్పులేయించి.. వెన్నుపోటు పొడిచి పార్టీని లాక్కున్న చంద్రబాబుది తెలుగు దొంగల పార్టీ కాదా..? వారిది వెన్నుపోటు పార్టీ కాదా..? అని నిలదీయాలి. ఎన్టీఆర్‌ను నయవంచన చేసి ఆయన పార్టీ జెండాతో పాటు కార్యాలయాన్ని స్వాధీనం చేసుకున్న చంద్రబాబును ఎలా సంభోదించాలో.. ఆ పార్టీ నేతలే చెప్పాలి.
బాబు శకం ముగిసిపోతుంది
75 సంవత్సరాల వయసులో చంద్రబాబు అధికారం కోసం చాలా దారుణంగా దిగజారి ప్రవర్తిస్తున్నారు. బహిరంగ సభల్లో ఆయన మాట్లాడే భాష చాలా విడ్డూరంగా ఉంది. ఆయన నాయకత్వం సరిపోదు. వయసు మీరిన చంద్రబాబు బట్టలూడదీసి కొట్టిస్తా.. అనడం పట్ల ప్రజలు నవ్వుకుంటున్నారు. 2019 ఎన్నికల్లోనే ప్రజలు బాబును బట్టలూడదీసి కూర్చోబెట్టారు. చంద్రబాబు శకం ముగిసిపోతుంది కనుకే.. టీడీపీ అనేది చచ్చిపోయిన పార్టీగా ఉంది. దాన్ని పాడెమీద మోసుకెళ్తుంటే బాబు రక్షించుకోలేకపోయాడు. ఆయన అధికారం కోసం ఈరోజు ఎవరి కాళ్లు పట్టుకోవడానికైనా.. ఎవరి బూట్లు నాకడానికైనా సిద్ధపడ్డాడు. వీరుడు, ధీరుడు, ధీశాలైన ముఖ్యమంత్రి శ్రీ వైఎస్‌ జగన్‌ని ఎదుర్కొవాలంటే చంద్రబాబు బలం చాలదు.
బూతుపురాణాల నేతలకు కేరాఫ్‌.. టీడీపీ
రాష్ట్ర రాజకీయంలో బూతుపురాణాల నేతలకు కేరాఫ్‌గా టీడీపీని చెప్పుకోవచ్చు. నిష్ట దరిద్రుడు అయ్యన్నపాత్రుడు ఇప్పటికే మంత్రులు, ముఖ్యమంత్రి అని చూడకుండా.. చాలాసార్లు నోరుపారేసుకున్నాడు. చంద్రబాబు కొడుకు పప్పుసైకోగాడు, వార్డుమెంబర్‌గా కూడా గెలవలేని లోకేష్ కూడా అతని స్థాయి మరిచి సీఎంను విమర్శించేందుకు బరితెగించడం సిగ్గుచేటు. 2019 ఎన్నికల్లోనే ఇదేం ఖర్మరా బాబు అంటూ ఓడించి.. రాష్ట్రానికి పట్టిన దరిద్రం, శని వదిలిపోయిందని ప్రజలు అనుకుంటున్నారు.. రాజకీయ చరిత్రలో పెనుసంచలనమై ఒక పులి, సింహంలా గర్జించి 151 స్థానాలు సాధించి పొత్తుల్లేకుండా ఒంటరిగా నిలబడిన ఒకేఒక్కడు శ్రీ వైఎస్‌ జగన్‌మోహన్‌రెడ్డి గారు.
సైకోసేనకు ప్రజలే బుద్ధి చెబుతారు..
కొట్టుకుందాం రా.. చెప్పుదీసుకుని కొడతా.. అంటూ పిచ్చికుక్కలా అరిచే ప్యాకేజీ పవన్‌ కళ్యాణ్‌.. ఈ రాష్ట్రంలో ఒక సైకోసేనను ఏర్పాటు చేశాడు. వీధిరౌడీల్లా.. అర్ధరాత్రి సంచరించే పిక్‌ప్యాకెట్‌ గాళ్లుగా దొడ్డిదారిన గుంపులు గుంపులుగా చేరి దాడులు చేస్తున్న సైకోసేనను రౌడీ సేన అనక ఏమనాలి. వీరిని ఆ పార్టీ అధినేత సైకోలీడర్‌ ప్రోత్సహిస్తున్నాడు. వారానికోసారి రాష్ట్రానికి విజిట్‌ చేసి శాంతిభద్రతలకు విఘాతం కలిగించే విధంగా సైకో మాటలు, చేష్టలకు దిగే వారిని రౌడీసేన నాయకుడు అనాలి.
2024లో వార్‌ వన్‌సైడే..
మంచి మనసుతో పరిపాలన చేస్తూ ప్రతీ ఇంటి గడప గడపకు వెళ్లండని.. జనాలతో మాట్లాడి సమస్యల్ని తెలుసుకోమని ఆదేశించిన ముఖ్యమంత్రి వైఎస్‌ జగనన్నను ప్రజలు ఆశీర్వదీస్తున్నారు. ప్రభుత్వ సంక్షేమ పథకాల పట్ల వారంతా చాలా సంతోషంగా ఉన్నారు. చేయూత, చేదోడు, అమ్మవడిలాంటి పథకాలు,పెన్షన్, రేషన్, డ్వాక్రా మహిళలకు రుణాలు ఇలా అన్నీ అభివృద్ధి సంక్షేమ కార్యక్రమాలు ఇంటి గడపకు వస్తున్నాయని ప్రతీ ఒక్కరూ ఆనందంగా చెబుతున్నారు. 2024 ఎన్నికల్లో వార్‌ వన్‌సైడ్‌ అవుతుంది. అధికారం కోసం సైకోల్లాగా మారి.. పార్టీ మ్యానిఫెస్టో గురించి చెప్పుకోకుండా.. ఓటేయకపోతే.. ఈ రాష్ట్రం నాశనమవుతుందని శాపనార్ధాలు పెట్టే చంద్రబాబు, పవన్‌కళ్యాణ్‌ పార్టీలను నిలువునా పాతరేసేందుకు ప్రజలు సిద్ధంగా ఉన్నారు.
