(బాబు భూమా)
ఆంధ్రా నేల నుండి ఆకాశపు అంచులను తాకే నూతన శకానికి మన ఆంధ్రప్రదేశ్ శ్రీకారం చుడుతోంది. ఏ రంగాన్ని ఎంచుకున్నా, ది బెస్ట్ ఎంచుకుంటారు. సీజన్ ఉన్నా లేకపోయినా, నిరంతరం ప్రపంచం ఆసక్తి చూపే రంగాలను ఎంచుకుంటే… వాటికి ఆయా రంగాల నిష్ణాతులను ఏరి కోరి ఎంచుకుంటే… ఆశ్చర్యమే కదా! అదే జరిగింది ఆంధ్రాలో!
చంద్రబాబు నాయుడు ముందుచూపుతో, అంతరిక్ష-రక్షణ రంగాలలో మన రాష్ట్రం ఒక శక్తివంతమైన కేంద్రంగా రూపుదిద్దుకోబోతోంది. ఈ కీలకమైన రంగాల అభివృద్ధి కోసం ఆయన అత్యుత్తమ నిపుణులను ఎంపిక చేసుకున్న తీరు నిజంగా అద్భుతం, అభినందనీయం.
భారత అంతరిక్ష పరిశోధనా సంస్థ (ఇస్రో) మాజీ చైర్మన్, అంతరిక్ష సాంకేతిక పరిజ్ఞానంలో తిరుగులేని మేధావి శ్రీ ఎస్. సోమనాథ్ గారిని రాష్ట్రానికి స్పేస్ టెక్నాలజీ అడ్వైజర్‌గా నియమించడం చంద్రబాబు దూరదృష్టికి నిదర్శనం.
అదేవిధంగా, రక్షణ పరిశోధన మరియు అభివృద్ధి సంస్థ (డీఆర్డీఓ) మాజీ చైర్మన్, ఏరోస్పేస్ మరియు డిఫెన్స్ రంగాలలో విశేష అనుభవం కలిగిన డాక్టర్ జి. సతీష్ రెడ్డి గారిని రాష్ట్ర ఏరోస్పేస్-డిఫెన్స్ మాన్యుఫాక్చరింగ్ హబ్ సలహాదారుగా ఎంచుకోవడం ఆయన నిబద్ధతకు మరో ఉదాహరణ.
ఈ ఇద్దరు దిగ్గజాలను ఒకే వేదికపైకి తీసుకురావడం ద్వారా, చంద్రబాబు నాయుడు గారు మన రాష్ట్రంలో స్పేస్ మరియు డిఫెన్స్ ప్రాజెక్టులకు ఒక బలమైన పునాది వేస్తున్నారు. వారి జ్ఞానం, అనుభవం రాష్ట్రానికి పెట్టుబడులను ఆకర్షించడంలో, కేంద్రం నుండి అనుమతులు పొందడంలో కీలక పాత్ర పోషిస్తాయి.
చంద్రబాబు నాయుడు గారి ఈ అకుంఠిత దీక్ష కేవలం పరిశ్రమల స్థాపనకే పరిమితం కాదు; ఇది మన యువత భవిష్యత్తును తీర్చిదిద్దే ఒక మహోన్నత యజ్ఞం. విద్యార్థులు అంతరిక్షం మరియు రక్షణ రంగాల వైపు ఆకర్షితులయ్యేలా ఒక వినూత్నమైన ఎకోసిస్టమ్‌ను సృష్టించడం ద్వారా, మన రాష్ట్రం దేశాభివృద్ధిలో, దేశ రక్షణలో ఒక ప్రత్యేక స్థానాన్ని సంపాదించుకోబోతోంది.
చంద్రబాబు నాయుడు నాయకత్వంలో, ఈ నిపుణుల మార్గదర్శకత్వంలో, ఆంధ్రప్రదేశ్ అంతరిక్ష మరియు రక్షణ రంగాలలో ఒక స్వర్ణయుగానికి సిద్ధమవుతోంది. ఇది మనందరికీ గర్వకారణం.
