సికింద్రాబాద్ పరిధిలో ఏకంగా గత 5 దశాబ్దాల కాలంలో చేపట్టని పనులను కేవలం ఐదేళ్ళ కాలంలో పూర్తిచేశామని ఉప సభాపతి తీగుల్ల పద్మారావు గౌడ్ అన్నారు. సీతఫాలమండీ మునిసిపల్ డివిజన్ పరిధిలో దాదాపు రూ.80 లక్షల ఖర్చుతో చేపడుతున్న వివిధ అభివృద్ధి పనులను తీగుల్ల పద్మారావు గౌడ్ మంగళవారం కార్పొరేటర్ కుమారి సామల హేమ, అధికారులు, నాయకులతో కలిసి ప్రారంభించారు.
బడీ మస్జిద్, హీరసింగ్ గల్లి ప్రాంతాల్లో రూ.54 లక్షల ఖర్చుతో రహదారుల పునర్నిర్మాణం, బ్రాహ్మణ బస్తీ లో రూ. 25 లక్షల ఖర్చుతో వర్షపు నీటి కాలువ నిర్మాణం పనులను ప్రారంభించారు. ఈ సందర్భంగా మాట్లాడుతూ సికింద్రాబాద్ ను సమస్యల రహిత నియోజకవర్గంగా తీర్చిదిద్దుతామని పద్మారావు గౌడ్ తెలిపారు. వర్షాల వల్ల ఇబ్బందుల నివారణకు చేపట్టిన ఏర్పాట్లు మంచి ఫలితాలు అందిస్తున్నాయని అన్నారు.
ఈ సందర్భంగా చిలకలగూడ బడీ మాజిద్ నుంచి కింది బస్తి, వీరయ్య గల్లి, ఉప్పరి బస్తి, ఫ్రైడే మార్కెట్, మార్కండేయ నగర్, బ్రాహ్మణ బస్తి తదితర ప్రాంతాల్లో పాద యాత్రను నిర్వహించారు. భవానీ నగర్ నుంచి
కింది బస్తీ మీదుగా బౌద్దనగర్ లోని వివిధ ప్రాంతాల వరకు సాగే ప్రధాన నాలా పూడిక తీసివేత పనులను వెంటనే చేపట్టాలని అధికారులకు పద్మారావు గౌడ్ ఈ సందర్భంగా ఆదేశించారు.
జీ. హేచ్. ఎం. సీ. డిప్యూటీ కమీషనర్ దశరద్, ఇంజినీరింగ్ అధికారి ఆశలత, జలమండలి డీ జీ ఏం వై.కృష్ణ, అధికారులు రఘు, అన్విత్ కుమార్, మధురిమ, తెరాస యువ నేతలు కిషోర్ కుమార్, రామేశ్వర్ గౌడ్, కరాటే రాజు ఇతర నాయకులు పాల్గొన్నారు.
