హిందువులు , ముఖ్యంగా స్త్రీలు “బొట్టు” లేకుండా ఉన్నారంటే, అది వారి దౌర్భాగ్యం అనుకోవాలి. పుట్టిన 11 వ రోజునుండి చనిపోయిన 11 వ రోజువరకూ బొట్టు మన జీవితంలో ఒక భాగం.
చివరికి చనిపోయాక శవానికి కూడా బొట్టు పెడతారుగా!
నువ్వు ఏ రకం బొట్టు ఆయినా పెట్టుకో! కానీ, నీ నుదురు స్మశానం లా ఉండకుండా చూసుకో!
నీ నుదురు ఖాళీగా ఉందంటే దరిద్రానికి Fashion అనే పేరుపెట్టి మరీ ఆహ్వానిస్తున్నావని అర్థం.
చందనం గుండ్రంగా పెట్టుకుంటావా? పెట్టుకో! అది పూర్ణత్వానికి చిహ్నం!
విభూతి పెట్టుకుంటావా? పెట్టుకో! అది ఐశ్వర్యానికి ప్రతీక! ఏనాటికైనా ఈ శరీరం భస్మం కావాల్సిందేగా!
నామం పెట్టుకుంటావా? పెట్టుకోండి! అది నువ్వు ఉన్న స్థితినుండి, నిన్ను ఉన్నతస్థితికి చేరుకోమనీ అంటోంది!
కుంకుమ పెట్టుకుంటావా? పెట్టుకో! ఇది సౌభాగ్యానికి సోపానం!
సింధూరం పెట్టుకుంటావా? పెట్టుకో! హనుమంతుడి ఆశీర్వాదం లభిస్తుంది.
తప్పకుండా ఏదో ఒక బొట్టుపెట్టు! బొట్టుపెట్టుకుంటే మీలో భక్తి భావన కలుగుతుంది.
బొట్టుపెట్టుకున్న నీ ముఖం చూసినవారికి నీ గురించి ఒక పవిత్రమైన భావన కలుగుతుంది.
నీకు కీడు చేయాలన్నా చేయలేరు.
-రవీంద్ర తీగల
About the Author
