1998లో దేశంలో మొట్టమొదటి ప్రైవేట్ ఇంటర్నెట్ సర్వీస్ ప్రొవైడర్గా కోట్లాది మంది భారతీయులకు ఇంటర్నెట్ను పరిచయం చేసిన సిఫీ, 1999లో నాస్డాక్ (NASDAQ)లో లిస్ట్ అయిన తొలి భారతీయ ఇంటర్నెట్ కంపెనీగా ప్రపంచానికి తన సత్తాను చాటింది.
2000లో దేశంలో తొలి కమర్షియల్ డేటా సెంటర్ను ప్రారంభించిన ఈ సంస్థ, ఆ తర్వాత వినియోగదారుల సేవల నుండి పూర్తిగా ఎంటర్ప్రైజ్ సొల్యూషన్స్కు మారి, ‘Cloud@Core’ వ్యూహంతో రూపాంతరం చెందింది. నేడు, సిఫీ ఏకంగా 1,600+ నగరాల్లో 10,000కు పైగా వ్యాపారాలకు సేవలు అందిస్తూ, 200MW సామర్థ్యం గల AI-రెడీ డేటా సెంటర్లతో అమెజాన్, మైక్రోసాఫ్ట్ వంటి గ్లోబల్ దిగ్గజాలకు దీటైన పోటీని ఇస్తోంది.
సిఫీ స్ఫూర్తిదాయక ప్రస్థానంలో అత్యంత కీలకమైన, తాజా అధ్యాయం వైజాగ్. మంత్రి నారా లోకేష్ శంకుస్థాపన చేసిన సిఫీ యొక్క AI ఎడ్జ్ డేటా సెంటర్ మరియు ఓపెన్ కేబుల్ ల్యాండింగ్ స్టేషన్ (CLS) నిర్మాణమే ఇందుకు నిదర్శనం.
₹1,500 కోట్ల ఈ ప్రాజెక్ట్, భారత్-ఆగ్నేయాసియా దేశాల మధ్య డేటా ట్రాన్స్మిషన్ను వేగవంతం చేసే గ్లోబల్ డిజిటల్ గేట్వేగా వైజాగ్ను నిలపనుంది. అంతేకాకుండా, సిఫీ ఆంధ్రప్రదేశ్ ప్రభుత్వంతో కలిసి వైజాగ్లో ఏకంగా ₹16,466 కోట్ల భారీ పెట్టుబడితో 550 MW సామర్థ్యం గల డేటా సెంటర్ పార్కును ఏర్పాటు చేయబోతోంది.
డయల్-అప్ కనెక్షన్ల నుండి నేటి AI మౌలిక వసతి వరకు సాగిన సిఫీ తన ప్రయాణంతో.. విజన్, ధైర్యం, నిరంతర పునర్నిర్మాణంతో తమ దేశ డిజిటల్ భవితవ్యానికి ఎలా ఆర్కిటెక్ట్గా నిలవవచ్చో దేశానికి చూపించింది.
About the Author
