– ఎన్నికల తర్వాత కేంద్రంలో టీడీపీ కీలకపాత్ర
– మాజీ ఎంపి కనకమేడల జోస్యం
ఢిల్లీ: పార్లమెంటు ఎన్నికల తర్వాత టీడీపీ మళ్లీ కేంద్రంలో కీలకపాత్ర పోషించబోతోందని ప్రముఖ న్యాయవాది, మాజీ ఎంపి కనకమేడల రవీంద్రకుమార్ జోస్యం చెప్పారు. టీడీపీ ఆవిర్భావ దినోత్సవం సందర్భంగా పార్టీ కార్యాలయంలో ఎన్టీఆర్ చిత్రపటానికి, ఆఫీసు సిబ్బంది పూలమాల వేసి నివాళులర్పించారు.
ఈ సందర్భంగా రవీంద్ర మాట్లాడుతూ, ప్రపంచంలో తెలుగువారి ఉనికి చాటిన ఎన్టీఆర్ స్థాపించిన టీడీపీతోనే, బడుగు బలహీనవర్గాలు రాజ్యాధికారంలో భాగస్వాములయ్యారని గుర్తు చేశారు. తెలంగాణలో బీసీలకు రాజకీయ గుర్తింపునిచ్చింది టీడీపీయేనన్నారు. చంద్రబాబు సారథ్యంలో సామాజికన్యాయం లభించిందని, దళితులు-బీసీలకు స్పీకర్‌పదవులు లభించాయని గుర్తు చేశారు. రాష్ట్ర ప్రయోజనాల కోసమే ఇప్పుడు ఎన్డీఏలో పొత్తు పెట్టుకున్న టీడీపీ.. ఎన్నికల తర్వాత కేంద్రంలో కీలకపాత్ర పోషిస్తుందని ధీమా వ్యక్తం చేశారు. జగనాసుర పాలన అంతం కోసం, రాష్ట్ర ప్రజలు ఎదురుచూస్తున్నారని కనకమేడల వ్యాఖ్యానించారు.
