తెలుగుదేశం పార్టీ జాతీయ కార్యాలయంలో టీడీపీ కార్యనిర్వహక కార్యదర్శి బుచ్చి రాంప్రసాద్, టీడీపీ వాణిజ్య విభాగం అధ్యక్షులు డూండీ రాకేష్ ఆధ్వర్యంలో తెలుగుదేశం పార్టీ జాతీయ ప్రధాన కార్యదర్శి నారా లోకేష్ జన్మదిన వేడుకలు ఘనంగా నిర్వహించారు.
ఈ సందర్బంగా గుంటూరు శ్రీను, లోకేష్ అభిమానులు రూపొందించిన రథసారధి అనే వీడియా సాంగ్ ను విడుదల చేశారు.
కొమ్మారెడ్డి పట్టాభి, జాతీయ అధికారప్రతినిధి మాట్లాడుతూ… 70 లక్షల మంది తెలుగుదేశం కార్యకర్తల భరోసా నారా లోకేష్ అని అన్నారు. ప్రజా సమస్యల పరిష్కారానికి ఎంతటి పోరాడానికైనా సిద్ధపడే వ్యక్తి. అందరిని అన్న అని ఆప్యాయంగా పిలిచే వ్యక్తి. తెలుగు తమ్ముళ్లకు అన్యాయం జరిగితే తట్టుకోలేడు. నిరుత్సాహంలో ఉన్న యువతకు ఉత్సాహపరుస్తూ.. రంకేస్తున్న జగన్ రెడ్డిని కట్టడిచేయగల దమ్మున్న నాయకుడు నారా లోకేష్ అని కొనియాడారు.
నారా లోకేష్ జన్మదినాన్ని పురస్కరించుకొని కార్యాలయ సిబ్బందికి బట్టలు, పండ్లు, స్వీట్స్ పంచిపెట్టారు. ఈ కార్యక్రమంలో వెంకట రాజు, సయ్యద్ రఫీ, దారపనేని నరేంద్ర, శోభా రాణి, వల్లూరి కుమార స్వామి,కిలారు శ్రావణ్, బండారు వంశీ, ప్రవీణ్ తదితరులు పాల్గొన్నారు.
