-మోదీ హయాంలోనే పీఎస్‌యుల అభివృద్ధి
-మోదీ నిర్ణయాలతో మూడేళ్లలో పెరిగిన పీఎస్‌యు షేర్లు
-దిగుమతుల నుంచి ఎగుమతి దేశంగా మార్చిన మోదీ
-పీఎస్‌యులపై రాహుల్‌వి పిచ్చిలెక్కలే
( రఘు వంశీ)
మోడీ ప్రభుత్వం ప్రభుత్వ రంగ సంస్థలను బలహీన పరుస్తోంది, వాటిని అమ్మేస్తోంది అంటూ కాంగ్రేస్, రాహుల్ గాంధీ, వారి కుటుంబ కట్టు బానిసలు పదే పదే ఆరోపిస్తున్నారు. వారందరికీ ఆర్థిక మంత్రి నిర్మలా సీతారామన్ అన్ని గణాంకాలు ముందు పెడుతూ వాళ్ళు మళ్లీ నోరెత్తలేని విధంగా జవాబు చెప్పారు.
నిర్మలా సీతారామన్ ఏమన్నారోచూద్దాం..
కాంగ్రెస్ , రాహుల్ గాంధీ, వాళ్ళ ఇకో సిస్టం ప్రస్తుత ప్రభుత్వంలో ప్రభుత్వ రంగ సంస్థలు నిర్వీర్యం చేయబడుతున్నాయి . అస్తవ్యస్తంగా ఉన్నాయి అనే పదేపదే ఆరోపణలు ‘ఉల్టా చోర్ కొత్వాల్ కో దాంటే’ సామెతకి పాఠ్యపుస్తక ఉదాహరణ, అయితే, వాస్తవాలు చాలా తేడాగా ఉన్నాయి.
కాంగ్రెస్ నేతృత్వంలోని యూపీఏ ప్రభుత్వ హయాంలో పీఎస్‌యూలు నష్టపోయాయి. గతంలో యూపీఏ ప్రభుత్వ హయాంలో నిర్లక్ష్యానికి గురైన హిందుస్థాన్ ఏరోనాటిక్స్ లిమిటెడ్ వంటి పీఎస్‌యూ లు మోడీ ప్రభుత్వ హయాంలో బాగా పుంజుకున్నాయి.
మోదీ నాయకత్వంలో, పీఎస్‌యూ లు అభివృద్ధి చెందుతున్నాయి, పెరిగిన కార్యాచరణ స్వేచ్ఛతో పాటు వృత్తి నైపుణ్యం యొక్క సంస్కృతి నుండి గణనీయంగా ప్రయోజనం పొందుతున్నాయి. మోడీ ప్రభుత్వం మూలధన వ్యయంపై పై దృష్టి పెట్టడం కూడా వారి స్టాక్ ల పనితీరులో గణనీయమైన వృద్ధికి దారితీసింది.
మౌలిక సదుపాయాల అభివృద్ధి, పవర్, లాజిస్టిక్స్ మొదలైన వాటిపై దృష్టి కేంద్రీకరించడం వల్ల రైల్వేలు, రోడ్లు, విద్యుత్, లోహాలు, నిర్మాణం, భారీ పరికరాల తయారీ మొదలైన వాటిలో నేరుగా పిఎస్‌యులు లాభపడ్డాయి.
యుపిఎ సృష్టించిన బ్యాంకింగ్ సంక్షోభం నుండి కోలుకోవడానికి మోడీ ప్రభుత్వం చేపట్టిన కార్యక్రమాలు ప్రభుత్వ రంగ బ్యాంకులుకు దోహదపడ్డాయి. ప్రభుత్వ రంగ బ్యాంకులలో గ్రాస్ NPA లు 3.2% దశాబ్ధ కనిష్ట స్థాయికి పడిపోయాయి. వాటి లాభాలు రికార్డు స్థాయిలో ఒక లక్ష కోట్లకు పైగా ఉన్నాయి.
FY 2022-23 మరియు FY 2013-14 మధ్య పోలిస్తే మోడీ ప్రభుత్వ హయాంలో పీఎస్‌యూ లలో మార్పు స్పష్టంగా కనిపిస్తుంది:
1. మార్చి 31, 2023 నాటికి అన్ని CPSEల మొత్తం చెల్లింపు మూలధనం ₹5.05 లక్షల కోట్లు, FY 14లో v/s ₹1.98 లక్షల కోట్లు, అంటే ఇది 155% పెరిగింది.
2. FY 2023లో CPSEల కార్యకలాపాల నుండి వచ్చిన మొత్తం స్థూల ఆదాయం ₹37.90 లక్షల కోట్లు. అదే FY 14లో అయితే ₹20.61 లక్షల కోట్లు, ఇది 84% పెరిగింది.
C. లాభదాయకమైన CPSEల నికర లాభం FY 2023లో ₹2.41 లక్షల కోట్లు v/s FY14లో ₹1.29 లక్షల కోట్లు, ఇది 87% పెరిగింది.
D. ఎక్సైజ్ & కస్టమ్స్ సుంకాలు, GST, కార్పొరేట్ పన్ను, డివిడెండ్‌లు మొదలైన వాటి ద్వారా ఖజానాకు అన్ని CPSEల నుండి వచ్చింది 2023 FYలో ₹4.58 లక్షల కోట్లు అయితే,.FY14లో ఇది ₹2.20 లక్షల కోట్లు, ఇది 108% పెరిగింది.
E. అన్ని CPSEల నికర విలువ మార్చి 31, 2014 నాటికి ₹9.5 లక్షల కోట్ల నుండి, FY-2023 నాటికి 82% పెరుగుదలతో ₹17.33 లక్షల కోట్లకు పెరిగింది.
F. మార్చి 31, 2023 నాటికి అన్ని CPSEలు ఉపయోగించిన మూలధనం ₹38.16 లక్షల కోట్లు, మార్చి 31, 2014 నాటికి ₹17.44 లక్షల కోట్లు, 119% వృద్ధి.
పీఎస్‌యూ ల మెరుగైన నిర్వహణ కారణంగా, గత 3 సంవత్సరాలలో వాటి షేర్ల ధరలు విపరీతంగా పెరిగాయి.
a. మొత్తం 81 లిస్టెడ్ పీఎస్‌యూ ల (62 CPSEలు, 12 PSBలు, 3 పబ్లిక్ సెక్టార్ ఇన్సూరెన్స్ కంపెనీలు మరియు IDBI బ్యాంక్) మొత్తం మార్కెట్ క్యాప్ 225% పెరిగింది.
బి. NIFTY CPSE ద్వారా దాదాపు 78.8% లాభాలు ఇవ్వగా NIFTY 500 (27.4%) మరియు NIFTY 50 (22.5%)లు ఇచ్చిన లాభాలతో పోలిస్తే PSU షేర్లు మదుపరులకు గణనీయంగా లాభాలు అందచేసాయు.
సి. 12 లిస్టెడ్ పబ్లిక్ సెక్టార్ బ్యాంకుల (PSB) మార్కెట్ క్యాప్ 2.95 రెట్లు (195%) పెరిగింది రూ. 5.45 లక్షల కోట్ల (31.3.21 నాటికి) నుండి రూ. 16.12 లక్షల కోట్లు (31.3.24 నాటికి).
డి. ముఖ్యంగా, 15 CPSEలు 76% నుండి 100% వరకు ఆకట్టుకునే CAGRని సాధించాయి. ఇది పెట్టుబడిదారుల విశ్వాసాన్ని ప్రతిబింబిస్తుంది. అదనంగా, 25 CPSEలు 51% నుండి 75% మధ్య CAGRతో బలమైన వృద్ధిని ప్రదర్శించాయి, మరో 28 CPSEలు 26% నుండి 50% పరిధిలో స్థిరమైన విస్తరణను చూపించాయి.
నిజానికి, మాజీ ప్రధాని అటల్ జీ నేతృత్వంలోని NDA ప్రభుత్వంలో కూడా, మెరుగైన నిర్వహణ కారణంగా పీఎస్‌యూ ల షేర్లు యూపీఏ పాలనతో పోలిస్తే మెరుగైన పనితీరును కనబరిచాయి.
– 1999-2004 (NDA) సమయంలో: పీఎస్‌యూ ఇండెక్స్ 300% పైగా పెరిగింది, BSE సెన్సెక్స్ యొక్క 70% లాభాలను అధిగమించింది.
– 2004-09 (UPA I): పీఎస్‌యూ ఇండెక్స్ 60% పెరిగింది, అయితే ఇది సెన్సెక్స్ వృద్ధి రేటులో సగం మాత్రమే.
– 2009-14లో (UPA II): పీఎస్‌యూ ఇండెక్స్ 6% క్షీణించగా, బెంచ్‌మార్క్ 73% పెరిగింది.
హిందుస్థాన్ ఏరోనాటిక్స్ లిమిటెడ్ (హెచ్‌ఏఎల్)పై కూడా రాహుల్ గాంధీ దురుద్దేశంతో దాడి చేశారు. అతని వాదనలకు విరుద్ధంగా, మోదీ హయాంలో, HAL యొక్క మార్కెట్ విలువ కేవలం 4 సంవత్సరాలలో 1370% పెరిగింది, 2020లో ₹17,398 కోట్ల నుండి మే 7, 2024 నాటికి ₹2.5 లక్షల కోట్లకు పెరిగింది.
2023-24 ఆర్థిక సంవత్సరానికి హెచ్‌ఏఎల్ తన అత్యధిక ఆదాయాన్ని రూ.29,810 కోట్ల కంటే ఎక్కువ ప్రకటించింది. ₹94,000 కోట్లకు పైగా బలమైన ఆర్డర్ బుక్‌ను కలిగి ఉంది.
ఈ గణాంకాలు ఏవీ “బలహీనమవుతున్న” లక్షణాలను సూచించలేదు, కానీ బలమైన కోట నిర్మాణాన్ని సూచిస్తున్నాయి.
అయితే, రాహుల్ గాంధీ వాదనకు విరుద్ధంగా, HAL వంటి మన స్వంత సంస్థలను శక్తివంతం చేయడం కంటే, దిగుమతులపై ఎక్కువగా ఆధారపడిన కాంగ్రెస్ పార్టీ భారతదేశాన్ని నిర్వీర్యం చేసింది.
చారిత్రాత్మకంగా, కాంగ్రెస్ మన దేశ శాస్త్రవేత్తలు, ఇంజనీర్లపై విశ్వాసం లేకపోవడాన్ని ప్రదర్శించింది. అనేక సంవత్సరాలుగా భారతదేశాన్ని ప్రపంచంలోనే అతిపెద్ద ఆయుధ దిగుమతిదారుగా ముద్ర వేయించుకునేలా దిగుమతులపై ఆధారపడటాన్ని పెంపొందించింది.
భారత్‌ను దిగుమతిపై ఆధారపడే దేశం నుండి ఇప్పుడు ఆయుధాల ఎగుమతిదారు పాత్రలోకి సగర్వంగా అడుగుపెడుతున్న దేశంగా మార్చడం ద్వారా, ప్రధాని మోదీ హయాంలో మాత్రమే మనం గణనీయమైన మార్పును చూస్తున్నాము.
పెరిగిన రక్షణ వ్యయం మరియు రక్షణ రంగంలో ‘ఆత్మనిర్భర్త’
సాధించాలనే లక్ష్యం BEL, HAL, Mazagon Dock మొదలైన పీఎస్‌యూ ల వృద్ధికి ఆజ్యం పోసింది.
మొట్ట మొదటిసారిగా FY 2023-24లోనే, భారతదేశం ₹21,000 కోట్ల విలువైన ఆయుధ ఎగుమతులు చేసింది. ఈ విజయం కాంగ్రెస్ విధానానికి పూర్తి విరుద్ధంగా మన శాస్త్రవేత్తలు మరియు ఇంజనీర్లపై మా ప్రభుత్వానికి ఉన్న దృఢ విశ్వాసాన్ని చూపించింది.
అలాగే, పెట్టుబడుల ఉపసంహరణ తర్వాత ఆ సంస్ధ లలో ఉద్యోగాలు కోల్పోతారు అనే తప్పుడు వార్తలు ప్రచారం చేశారు.
ఉదాహరణకు ఎయిర్ ఇండియాను తీసుకుందాం. 1 సంవత్సరం పాటు ఉద్యోగుల తొలగింపు లేదా రిట్రెంచ్‌మెంట్ ఉండదని కొనుగోలుదారుకు ప్రభుత్వం యొక్క ముందస్తు షరతు పెట్టింది. అలాగే, 1 సంవత్సరం తర్వాత కూడా, ఉద్యోగుల కు అనుకూలమైన నిబంధనలతో స్వచ్ఛంద పదవీ విరమణ ఆఫర్ ఉంటుంది అని చెప్పింది. చట్టాల ప్రకారం PF మరియు గ్రాట్యుటీ ప్రయోజనాలు కూడా అందించబడ్డాయి.
పారదర్శక పెట్టుబడుల ఉపసంహరణ తర్వాత, ఎయిర్ ఇండియా కార్యకలాపాలలో చెప్పుకోదగ్గ మెరుగుదల కనిపించింది. ప్రైవేటీకరణ తర్వాత 7500 మంది కొత్త ఉద్యోగులు (ఫ్లైయింగ్ మరియు గ్రౌండ్ స్టాఫ్ ఇద్దరూ) కంపెనీలో చేరడంతో ఎయిర్ ఇండియా ఉపాధి అవకాశాలలో గణనీయమైన వృద్ధిని సాధించింది. కాబట్టి, ఉద్యోగాలు కోల్పోవడం కాదు, వేలాది మంది కంపెనీలో చేరారు.
ఎయిర్ ఇండియా తన విమానాల విస్తరణ కోసం బోయింగ్ మరియు ఎయిర్‌బస్ నుండి 470 విమానాలను సుమారు $70 బిలియన్ల వ్యయంతో కొనుగోలు చేయనుంది.
ప్రైవేటీకరణ అనంతర NINL (నీలాచల్ ఇస్పాత్ నిగమ్ లిమిటెడ్)లో ఇదే విధమైన మలుపు జరిగింది.
– ప్లాంట్ కార్యకలాపాల్లో ఒక స్పష్టమైన మలుపు తీసుకుంది. కొనుగోలు చేసిన 3 నెలల్లో (అక్టోబర్ 22) ప్లాంట్ కార్యకలాపాలు ప్రారంభించింది.
– బ్లాస్ట్ ఫర్నేస్ ఉత్పత్తి ప్రారంభమైన 6 నెలల్లోనే పూర్తి సామర్థ్యం 1.1 MTPA వరకు పెరిగింది. కోక్ ప్లాంట్ మరమ్మత్తు చేయబడింది మరియు సెప్టెంబర్ 2023లో ఉత్పత్తిని ప్రారంభించింది. 1 MTPA నుండి 4.8 MTPAకి విస్తరించేందుకు ప్రణాళిక రూపొందించబడింది.
– కార్యకలాపాలు మెరుగుపడటమే కాకుండా, డిజిన్వెస్ట్‌మెంట్ నుండి ఉద్యోగులు కూడా ప్రయోజనం పొందారు. పెట్టుబడుల ఉపసంహరణతో, అప్పటి వరకు చెల్లించని ఉద్యోగుల బకాయిలు రూ.387.08 కోట్లు వారికి చెల్లించబడ్డాయి.
కాబట్టి, పీఎస్‌యూ లకు సంబంధించి కాంగ్రెస్- రాహుల్ గాంధీ యొక్క అన్ని ఆరోపణలు నిరాధారమైనవే అందుకే అవి చతికిలబడ్డాయి.
