ప్రపంచంలోని మూడవ అతిపెద్ద ద్వీపమైన బోర్నియో ఒకప్పుడు దట్టమైన వర్షారణ్యాలతో కప్పబడి ఉండేది. ఇది 743,330 చదరపు కిలోమీటర్లతో జర్మనీ కంటే రెట్టింపు పరిమాణంలో విస్తరించి ఉంది.ఈ ద్వీపం ఇండోనేషియా, మలేషియా మరియు బ్రూనై మధ్య విభజించబడింది. 1980లు 1990లలో బోర్నియో పై మనిషి కన్ను పడింది.
బోర్నియో అడవులు అసమానమైన స్థాయిలో నేలమట్టమయ్యాయి. బోర్నియో యొక్క వర్షారణ్యాలు జపాన్, యునైటెడ్ స్టేట్స్ వంటి పారిశ్రామిక దేశాలకు గార్డెన్ ఫర్నిచర్, పేపర్ గుజ్జు మరియు చాప్‌స్టిక్‌ల రూపంలో వెళ్ళాయి. మొదట్లో చాలా కలప మలేషియా నుండి తీసుకోబడింది. ఇండోనేషియాకు చెందిన కాలిమంటన్ అడవులు ఉష్ణమండల కలపకు వనరుగా మారాయి. నేడు బోర్నియో అడవులు చరిత్రలో మిగిలిన అధ్యాయంగా మారబోతున్నాయి. వేగంగా పారిశ్రామిక ఆయిల్ పామ్, కలప తోటలుగా మార్చబడుతున్నాయి.
ఆయిల్ పామ్ ప్రపంచంలో అత్యంత ఉత్పాదక నూనె గింజ. ఇది పెద్ద తోటలలో పెరిగినప్పుడు పంటనుండి అసాధారణ స్థాయిలో లాభాలు లభిస్తాయి. అందుకని, విస్తారమైన భూములు ఆయిల్ పామ్ తోటల కోసం మార్చబడుతున్నాయి. ఇండోనేషియాలో ఆయిల్ పామ్ సాగు 1985లో 600,000 హెక్టార్ల నుండి 2015 నాటికి 8.6 మిలియన్ హెక్టార్లకు పెరిగింది.
