అప్పటివరకు ఎగ్జిట్ పోల్స్ ఇవ్వకూడదు

-కేంద్ర ఎన్నికల సంఘం

కేంద్ర ఎన్నికల సంఘం (ECI) 2024 లోక్‌సభ ఎన్నికలకు సంబంధించి ఎగ్జిట్ పోల్స్‌పై నిషేధం విధించింది. ఏప్రిల్ 19న ప్రారంభమయ్యే మొదటి దశ నుండి జూన్ 1న ముగిసే ఏడవ దశ వరకు ఎగ్జిట్ పోల్స్ ప్రచురించడం నిషేధం. లోక్‌సభ ఎన్నికలతో పాటు ఆంధ్రప్రదేశ్, అరుణాచల్ ప్రదేశ్, ఒడిశా, సిక్కిం రాష్ట్రాల అసెంబ్లీ ఎన్నికలకు కూడా ఈ నిషేధం వర్తిస్తుంది. అదేవిధంగా, 12 రాష్ట్రాల్లోని 25 అసెంబ్లీ నియోజకవర్గాలకు జరిగే ఉపఎన్నికలకు కూడా ఎగ్జిట్ పోల్స్ ప్రచురించడం కుదరదు.

ఎన్నికల సంఘం ఒక నోటిఫికేషన్ జారీ చేస్తూ, పోలింగ్ ముగిసే 48 గంటల ముందు ఎలక్ట్రానిక్ మీడియాలో ఎగ్జిట్ పోల్స్ ప్రసారం చేయకూడదని స్పష్టం చేసింది. పోలింగ్ ముగిసిన తర్వాత మాత్రమే ఎగ్జిట్ పోల్స్ ప్రచురించడానికి అనుమతి ఉంటుందని తెలిపింది.

ఎన్నికల సంఘం ఈ నిర్ణయం ప్రజాప్రాతినిధ్య చట్టంలోని నిబంధనల ప్రకారం తీసుకున్నట్లు తెలిపింది. ఈ చట్టం ప్రకారం, పోలింగ్ సమయంలో ఒపీనియన్ పోల్, పోల్ సర్వే ఫలితాలను ప్రచురించడం నిషేధం. ఈ నిషేధం ఎన్నికల ఫలితాలపై ఓటర్ల అభిప్రాయాలను ప్రభావితం చేయకుండా ఉండటానికి ఉద్దేశించబడింది.

Leave a Reply